Rhoi arweiniad i’ch tîm

Mae’r safon hon yn ymdrin â rhoi cyfeiriad i staff ym maes lletygarwch a’u hysgogi a’u cynorthwyo i gyflawni amcanion y tîm a’u hamcanion gwaith personol. Mae’r safon hon i staff ym maes lletygarwch sydd â chyfrifoldebau arwain tîm, rheoli llinell gyntaf neu oruchwylio.

Mae arweinwyr rhagorol yn cael y gorau o’u pobl. Nid ydyn nhw’n canolbwyntio ar yr hyn na all aelodau o’r tîm ei wneud, ond yn hytrach ar yr hyn y gallan nhw ei wneud! Mae arweinwyr cryf yn rhoi cyfeiriad clir, gan greu ymdeimlad o bwrpas cyffredin, er mwyn i bawb ddeall ei amcanion ei hun ac amcanion y tîm. Fodd bynnag, nid dyna’r cwbl. Mae arweinwyr effeithiol yn sicrhau bod amser ar gael i gynorthwyo eu tîm. Gwerthoedd fel uniondeb, tegwch, parch a pharodrwydd i helpu yw popeth iddyn nhw.

Yn anad dim, efallai, mae’r arweinwyr gorau yn cymryd cyfrifoldeb personol dros wneud i bethau ddigwydd, ond maen nhw’n cyflawni’r canlyniadau gorau trwy gynorthwyo, grymuso a datblygu eu timau.

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni: 

• Rhoi arweiniad i’ch tîm

1.  Cyfleu diben ac amcanion y tîm i’w holl aelodau

2.  Cynnwys yr aelodau yn y gwaith o gynllunio sut y bydd y tîm yn cyflawni ei amcanion

3.  Sicrhau bod gan bob aelod o’r tîm amcanion gwaith personol a’i fod yn deall sut y bydd cyflawni’r rhain yn cyfrannu at gyflawni amcanion y tîm

4.  Annog a chynorthwyo aelodau’r tîm i gyflawni eu hamcanion gwaith personol ac amcanion y tîm a rhoi cydnabyddiaeth pan gaiff amcanion eu cyflawni

5.  Trwy eich perfformiad chi, ennill ymddiriedaeth a chefnogaeth y tîm i’ch arweinyddiaeth

6.  Llywio’r tîm yn llwyddiannus trwy anawsterau a heriau, gan gynnwys problemau sy’n ymwneud â gwrthdaro, amrywiaeth a chynhwysiant yn y tîm

7.  Hybu a chydnabod creadigrwydd ac arloesedd yn y tîm

8.  Rhoi cefnogaeth a chyngor i aelodau’r tîm pan mae arnyn nhw eu hangen, yn arbennig yn ystod cyfnodau pan geir problemau a newidiadau 

9.  Ysgogi aelodau’r tîm i gyflwyno eu syniadau eu hunain a gwrando ar yr hyn maen nhw’n ei ddweud

10. Annog aelodau’r tîm i gymryd yr awenau pan fo ganddyn nhw’r wybodaeth a’r arbenigedd i wneud hynny, a dangos eich bod yn fodlon dilyn yr arweiniad hwn​

1.  Gwahanol ffyrdd o gyfathrebu’n effeithiol ag aelodau o dîm 

2.  Sut i osod amcanion CAMPUS (Cyraeddadwy, Amserol, Mesuradwy, Penodol, Uchelgeisiol, Synhwyrol)

3.  Sut i gynllunio’r gwaith o gyflawni amcanion y tîm a phwysigrwydd cynnwys aelodau’r tîm yn y broses hon

4.  Pwysigrwydd dangos i aelodau’r tîm sut mae amcanion gwaith personol yn cyfrannu at gyflawni amcanion y tîm, a’r gallu i wneud hyn

5.  Bodolaeth dulliau arwain gwahanol

6.  Sut i ddewis a defnyddio’n llwyddiannus nifer gyfyngedig o ddulliau gwahanol o ysgogi, cynorthwyo ac annog aelodau’r tîm a chydnabod eu cyflawniadau

7.  Mathau o anawsterau a heriau a all godi, gan gynnwys problemau sy’n ymwneud â gwrthdaro, amrywiaeth a chynhwysiant yn y tîm a ffyrdd o’u hadnabod a’u goresgyn

8.  Pwysigrwydd annog pobl eraill i gymryd yr awenau a ffyrdd y gellir cyflawni hyn

9.  Buddion annog a chydnabod creadigrwydd ac arloesedd mewn tîm, a sut i wneud hyn

10. Gofynion cyfreithiol, rheoliadol a moesegol yn y diwydiant/sector

11. Aelodau, diben, amcanion a chynlluniau eich tîm

12. Amcanion gwaith personol aelodau o’ch tîm

13. Y mathau o gymorth a chyngor mae’n debygol y bydd eu hangen ar aelodau’r tîm a sut i ymateb i’r rhain

14. Safonau perfformiad ar gyfer gwaith eich tîm

1. Rydych yn creu ymdeimlad o bwrpas cyffredin

2. Rydych yn cymryd cyfrifoldeb personol dros wneud i bethau ddigwydd 

3. Rydych yn annog ac yn cynorthwyo pobl eraill i wneud penderfyniadau’n annibynnol 

4. Rydych yn gweithredu o fewn terfynau eich awdurdod chi

5. Rydych yn sicrhau bod amser ar gael i gynorthwyo pobl eraill 

6. Rydych yn dangos uniondeb, tegwch a chysondeb wrth wneud penderfyniadau 

7. Rydych yn ceisio deall anghenion ac ysgogiadau pobl 

8. Rydych yn modelu ymddygiad sy’n dangos parch, parodrwydd i helpu a chydweithrediad