Darparu gwasanaethau gwybodaeth i dwristiaid i gwsmeriaid

Mae’r safon hon yn ymdrin â gallu darparu gwybodaeth a chyngor i dwristiaid i’ch cwsmeriaid. Mae i dderbynyddion, staff bwciadau, concierges a phorthorion neu staff mewn swyddi tebyg. Yn aml bydd gan gwsmeriaid sy’n ymweld â’ch safle amrywiaeth o ymholiadau ynghylch beth sydd ar gael i’w weld ac i’w wneud tra maen nhw yno. Mae’r safon hon yn ymdrin â darparu’r wybodaeth honno i’ch gwesteion. Efallai y bydd ynghylch atyniadau lleol, cyfleusterau hamdden neu siopau a marchnadoedd lleol. Er mwyn gwneud hyn mae’n rhaid i chi allu cael gwybod beth mae’ch cwsmeriaid ei eisiau a chael a darparu’r wybodaeth honno. Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni: •Darparu gwasanaethau gwybodaeth i dwristiaid i gwsmeriaid

1.  Croesawu cwsmeriaid yn gwrtais

2.  Defnyddio technegau cwestiynu agored i gael gwybod beth yw anghenion eich cwsmeriaid

3.  Defnyddio sgiliau gwrando gweithredol wrth gael gwybod beth yw anghenion eich cwsmeriaid

4.  Gwneud yn glir gyda’ch cwsmer unrhyw feysydd nad ydych yn siŵr ohonyn nhw

5.  Cadarnhau gyda’ch cwsmer pa wybodaeth mae ei hangen 

6.  Gwirio bod y cwsmer yn fodlon talu am unrhyw wasanaethau gwybodaeth i dwristiaid allanol lle bo’n berthnasol

7.  Canolbwyntio ar anghenion eich cwsmeriaid ac ar yr un pryd cydnabod cwsmeriaid eraill sy’n aros

8.  Dod o hyd i ffynonellau sy’n darparu’r wybodaeth mae ei hangen ar eich cwsmeriaid 

9.  Darparu gwybodaeth sy’n gywir, yn gyfredol ac yn ymwneud ag anghenion eich cwsmeriaid

10. Darparu gwybodaeth a chyngor perthnasol i’ch cwsmeriaid ar sail eu hanghenion

11. Esbonio’n glir unrhyw gyfyngiadau ar y wybodaeth a/neu gynhyrchion a gwasanaethau

12. Cynnig gwybodaeth a chyngor ynghylch pa un sy’n diwallu anghenion eich cwsmeriaid orau pan fo nifer o opsiynau ar gael

13. Cadarnhau’n gwrtais gyda’ch cwsmeriaid eu bod yn deall y wybodaeth a’r cyngor rydych wedi’u rhoi iddyn nhw

14. Rhoi i’r cwsmeriaid gadarnhad ysgrifenedig a/neu brintiedig o’r wybodaeth maen nhw wedi gofyn amdani lle bo’n briodol

15. Cynnig dewisiadau eraill yn lle gwasanaethau nad ydyn nhw ar gael ar ôl gwirio

16. Gwirio bod y cwsmer yn fodlon â’r gwasanaeth rydych wedi’i ddarparu a dod ag ymholiad y cwsmer i ben yn gwrtais

1.  Pam mae’n bwysig bod yn gymwynasgar ac yn gwrtais

2.  Beth yw technegau cwestiynu agored

3.  Pryd a sut i ddefnyddio technegau cwestiynu agored yn effeithiol

4.  Beth yw sgiliau gwrando gweithredol

5.  Pam mae defnyddio sgiliau gwrando gweithredol o gymorth i’ch cwsmer

6.  Pam mae’n hanfodol cadarnhau anghenion eich cwsmeriaid

7.  Pam mae’n bwysig gwirio bod eich cwsmer yn fodlon ar eich gwasanaeth a sut i ymdrin ag unrhyw anfodlonrwydd

8.  Ble mae gwybodaeth a ffynonellau ar gael a sut y gallwch gael gafael arnyn nhw

9.  Pa wybodaeth i dwristiaid sydd gan eich sefydliad a ble mae’n cael ei storio

10. Unrhyw ostyngiadau a / neu drefniadau mae’ch sefydliad wedi’u negodi gyda sefydliadau twristiaeth

11. Pa wybodaeth sydd ar gael heb dâl a pha wybodaeth sydd ar gael am dâl

12. Sut i drefnu’ch cwsmeriaid mewn ffordd sy’n sicrhau yr ymdrinnir â’r holl gwsmeriaid yn effeithiol

13. Sut i gael gafael ar amrywiaeth o wahanol ffynonellau gwybodaeth a’u defnyddio

14. Amrywiaeth o sefydliadau allanol eraill sy’n darparu gwybodaeth i dwristiaid a sut i gysylltu â nhw

15. Gweithdrefnau eich cwmni o ran ffioedd bwcio, rhwymedigaethau a bilio cwsmeriaid

16. Sut i strwythuro cyngor yn effeithiol a pha gyfyngiadau sydd ar y cyngor a roddwch

17. Rhannau perthnasol y ddeddfwriaeth gwahaniaethu ar sail anabledd a’i goblygiadau wrth roi cyngor a gwybodaeth i gwsmeriaid

18. Pa ddulliau sydd ar gael o roi gwybodaeth ysgrifenedig neu brintiedig i gwsmeriaid

19. Dulliau o ddod â rhyngweithiadau â chwsmeriaid i ben yn gwrtais

1.   Ffynonellau gwybodaeth

1.1 ffynonellau electronig gan gynnwys y rhyngrwyd a chyfryngau cymdeithasol

1.2 llyfrynnau hyrwyddo

1.3 cyfeiriaduron

1.4 amserlenni

1.5 mapiau

1.6 arweinlyfrau

1.7 sefydliadau allanol

1.8 taflenni

Cwestiynau agored

Cwestiynau yw’r rhain sydd yn aml yn dechrau gyda’r geiriau beth, ble, pwy, pryd a sut ac sy’n ysgogi atebion sy’n rhoi gwybodaeth ichi

Gwrando gweithredol

Er enghraifft gwneud a chynnal cyswllt llygaid, nodio a gwenu

Cyngor

Addasu’r wybodaeth a roddwch i fodloni gofynion unigol

Taliadau

Mae enghreifftiau’n cynnwys cyhoeddiadau y codir tâl amdanyn nhw; llinellau ffôn cyfradd ddrud i ddarparwyr gwybodaeth; ffioedd i asiantaethau bwcio; hediadau na thelir comisiwn arnyn nhw, ac ati

Ffynonellau electronig
Enghreifftiau yw’r rhyngrwyd, mewnrwyd a chyfryngau cymdeithasol

Ffyrdd eraill i helpu’ch cwsmer

Enghreifftiau yw gwneud galwad ffôn i gael gwybodaeth fanylach neu fwy penodol, trefnu i fwy o wybodaeth gael ei hanfon at eich cwsmer yn uniongyrchol, ei gyfeirio at sefydliad arall, ac ati

Sefydliadau

Enghreifftiau yw Canolfannau Croeso, Canolfannau Gwybodaeth i Ymwelwyr, Canolfannau Cyswllt, Swyddfeydd Twristiaeth, atyniadau i ymwelwyr, gweithredwyr teithiau, asiantaethau tocynnau. Gallai hefyd gyfeirio at eich busnes chi, os ydych yn hunangyflogedig.