Creu rigiau animeiddio

Mae’r safon hon yn ymwneud â chreu rigiau effeithlon, hawdd eu defnyddio ac ymatebol ar gyfer cymeriadau, creaduriaid, celfi, cerbydau neu amgylcheddau sydd wedi’u hanimeiddio.

Mae’r safon hon ar gyfer y rheiny sydd ynghlwm â rigio ar gyfer Animeiddio yn ymwneud ag Effeithiau Gweledol a gallai fod yn berthnasol ar gyfer Animeiddwyr Iau a Chyfarwyddwyr Technegol Cynorthwyol.

---

1. cadarnhau beth sydd angen i chi ei wneud i fodloni’r briff
2. creu systemau a strwythurau i ysgogi, rheoli ac anffurfio asedau mewn ffyrdd sy’n ail-greu’r symudiadau, ymddygiad a’r nodweddion dymunol i fodloni’r briff
3. sicrhau bod y rigiau’n hawdd eu defnyddio ac yn ymatebol ac y byddan nhw’n gweithio ar y sgrin i fodloni gofynion y cynhyrchiad
4. gwirio bod modd defnyddio’r rigiau ar gyfer adborth amser real
5. defnyddio meddalwedd i ganfod datrysiadau ar gyfer problemau rigio cymhleth pan fo’n ofynnol
6. creu animeiddiadau prototeip fel sy’n briodol er mwyn gwirio cywirdeb unrhyw symudiadau gaiff eu rhoi ar waith
7. defnyddio sgriptio i awtomeiddio rigiau pan fo’n briodol
8. sicrhau bod asedau sydd wedi’u rigio yn anffurfio’n gywir o’r holl safleoedd camera ac onglau sy’n ofynnol
9. creu adnoddau i helpu animeiddwyr i animeiddio’n fwy effeithlon
10. rhannu gwaith gyda phobl eraill ar adeg briodol a defnyddio adborth i adolygu rigiau pan fo’n ofynnol
11. sicrhau caiff gwaith ei gyflawni ar amser a’i fod yn bodloni’r allbynnau gofynnol
12. cadw a chyflwyno gwaith i bobl eraill yn unol â’r prosesau a’r gweithdrefnau ar gyfer y swydd a’r sefydliad rydych yn gweithio iddi

---

1. sut i ddehongli’r briff, y gofynion technegol a’r paramedrau cynhyrchu
2. y nodweddion symudiad y mae angen i rigiau eu cyflawni i fodloni’r briff
3. adborth amser real a’i bwysigrwydd wrth ddefnyddio Cynhyrchu Rhithiol
4. pwysigrwydd caffael setiau data
5. ble i ymchwilio gwybodaeth am asedau ac yn enwedig, symudiad creaduriaid neu gymeriadau rydych chi’n anghyfarwydd â nhw
6. sut mae bodau dynol ac anifeiliaid yn symud gan gynnwys sgerbydau, ynganiad cymalau, trefniadau cylchdroi ac anffurfiad
7. technegau digroeni a pheintio pwysau croen
8. y ffiseg o ran mudiant a gwrthiant a sut mae hynny’n berthnasol i anatomeg a mecaneg
9. diben a defnydd colynnau
10. diben a defnydd anffurfwyr
11. sut mae animeiddwyr yn animeiddio ac yn defnyddio rigiau
12. sut i weithio gyda pholygonau, ‘nurbs’, arwynebau is-rannol a chromliniau
13. diben allweddau ysgogi a sut i’w defnyddio
14. hierarchaeth gwrthrychau a nodau
15. sut i gysylltu nodau gyda’i gilydd i ysgogi eu nodweddion
16. effaith lleoliad fertig a’r lefel o fanylder ar y model a’i rig
17. sut y gall creu rigio yn awtomataidd drwy ddefnyddio sgriptio wneud gwaith yn fwy effeithlon
18. sut i ddefnyddio meddalwedd safon diwydiant i ddatrys problemau rigio
19. gwerth ceisio adborth cynnar
20. effeithlonrwydd y defnydd o ddata
21. arferion enwi ffeiliau a rheoli data ar gyfer y swydd neu’r sefydliad

---

---

---

---

---

---

---

---

---

---

3

---

2027

---

Ar hyn o bryd

---

Gwreiddiol

---

Screenskills

---

SKSVFX6

---

Cyfarwyddwr Technegol Effeithiau Gweledol, Artist Effeithiau Gweledol, Artist Iau Effeithiau Gweledol, Cynhyrchydd Effeithiau Gweledol, Goruchwyliwr Effeithiau Gweledol, Goruchwyliwr Cynorthwyol Effeithiau Gweledol, Cyfarwyddwr Technegol Cynorthwyol Effeithiau Gweledol

---

---

rigio; effeithiau gweledol; Effeithiau Gweledol; animeiddio; sgerbwd; symudiad; asedau; briff; allbynnau; cymeriadau; creaduriaid; gofynion y cynhyrchiad; cynhyrchiad;

---