Paratoi a rigio cyfarpar goleuo ar gyfer cynyrchiadau theatr a byw

Mae’r safon hon yn ymwneud â pharatoi a rigio’r cyfarpar goleuo ar gyfer cynhyrchiad a sicrhau ei fod yn barod ar gyfer dwyn i ffocws a phlotio. Mae’n ymdrin â’ch gallu chi i rigio cyfarpar ac ategolion goleuo. Mae’n rhaid ichi gydosod y cyfarpar a’r ategolion yn gywir. 

Mae angen i chi rigio’r cyfarpar ac ategolion goleuo yn ddiogel ac yn unol â’r cynllun goleuo. Mae’n rhaid i chi labelu popeth yn eglur ac yn olaf gwirio’r cyfarpar i ofalu ei fod yn gweithio’n drydanol.

Mae hefyd yn ymdrin â’ch gallu i drefnu ceblau a chadarnhau bod y gosodiad yn barod ar gyfer dwyn i ffocws a phlotio. Mae’n rhaid i chi allu defnyddio’r cyfarpar yn ddiogel a’i gysylltu i’r ffynonellau trydanol cywir a diogel. Mae’n rhaid i chi lwybro, gosod a gwisgo ceblau gan wirio’r cyfarpar trwy’r cylchedau rheoli ac ymdrin ag unrhyw namau.

Mae’r safon hon ar gyfer technegwyr goleuo sydd ynghlwm â pharatoi a rigio cyfarpar goleuo ar gyfer cynyrchiadau theatr a byw.

---

1. cydosod y cyfarpar a’r ategolion goleuo sydd eu hangen ar gyfer rigiau goleuo
2. dewis safleoedd rigio yn unol â’r cynlluniau goleuo
3. rigio’r cyfarpar a’r ategolion goleuo yn unol â’r gofynion diogelwch a dwyn i ffocws  
4. labelu’r holl gyfarpar a’r ategolion goleuo i fodloni gofynion y cynlluniau goleuo
5. cyflawni gwiriadau trydanol cyn gosod i gadarnhau bod y cyfarpar goleuo yn gweithio
6. dilyn gweithdrefnau cymeradwy i ymdrin â namau wedi’u nodi gyda’r cyfarpar goleuo
7. cysylltu’r cyfarpar goleuo i ffynonellau trydanol diogelwch a chywir yn unol â gofynion y cynlluniau goleuo
8. llwybro, gosod a thacluso ceblau er mwyn lleihau’r risg o ddifrod
9. gosod dyfeisiau sydd wedi’u cynnal gan ddata yn unol â chyfarwyddiadau’r gwneuthurwyr
10. gwirio’r cyfarpar goleuo drwy gylchedau rheoli yn unol â’r ddeddfwriaeth, y gofynion sefydliadol a’r codau ymarfer
11. adrodd am namau sydd wedi’u nodi i’r bobl berthnasol
12. gweithio yn unol â’r ddeddfwriaeth, y gofynion sefydliadol a’r codau ymarfer a safonau’r diwydiant

---

1. sut i gydosod y cyfarpar a’r ategolion goleuo yn unol â gofynion y cynllun
2. y llwythi gwaith diogel
3. pam mae’n bwysig gwirio elfennau unigol cyn rigio, yn enwedig wrth weithio ar uchder
4. sut i rigio a gosod cyfarpar goleuo a phwysigrwydd rigio cywir ar gyfer dwyn i ffocws
5. pwysigrwydd labelu eglur a sut i gyflawni hyn
6. pam mae’n bwysig gwirio cyfarpar goleuo cyn codi a gostwng goleuadau a sut i wneud hynny’n ddiogel  
7. diagnosteg namau a’r gweithdrefnau ar gyfer mynd i’r afael â namau
8. y ddeddfwriaeth, y gofynion sefydliadol a’r codau ymarfer ar gyfer cydosod a rigio cyfarpar goleuo
9. y ddeddfwriaeth, y gofynion sefydliadol a’r codau ymarfer ar gyfer defnyddio cyfarpar mynediad a gweithio ar uchder yn ddiogel
10. yr arfer diogel ar gyfer cysylltu’r cyfarpar goleuo, gan gynnwys yr amgylchedd, defnydd o geblau maint cywir a phlygiau ar gyfer y llwyth
11. y risgiau sydd ynghlwm â defnyddio cyflenwadau tri cham
12. sut i gysylltu gyda chyflenwadau un a thri cham gan gydymffurfio â’r safonau rheoleiddiol
13. y rhesymau dros ddaearu strwythurau metel, golygfeydd a chydrannau eraill a phryd i wneud hyn
14. sut i gysylltu’r cyfarpar goleuo i fodloni gofynion y cynlluniau goleuo a’r defnydd o’r prosesau ‘cysylltu gyda cheblau’ a ‘chysylltu’n rhithiol’
15. sut i wirio cyflenwadau trydan dros dro ac asesu eu haddasrwydd
16. y namau a allai ddigwydd unwaith y mae’r cyfarpar wedi’u cysylltu â chylchedau rheoli a sut i fynd i’r afael â’r rhain

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL26

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Goleuo

---

---

rig; rigio; cyfarpar goleuo; goleuo; cynyrchiadau theatr a byw;

---