Caffael cyfarpar goleuo, delweddau ac effeithiau a nwyddau traul ar gyfer cynyrchiadau theatr a byw

Mae’r safon hon yn ymwneud â chaffael cyfarpar goleuo, delweddau neu effeithiau a nwyddau traul. Bydd angen i chi gytuno ar ba oleuadau, delweddau ac effeithiau sydd eu hangen. Bydd angen i chi hefyd gadarnhau’r gofynion creadigol a’r cyfyngiadau ymarferol y mae’n rhaid iddyn nhw eu bodloni gydag aelodau priodol o’r timau creadigol a thechnegol. 

Mae’n ymwneud â chynllunio sut bydd yr eitemau angenrheidiol yn cael eu caffael a thrin a thrafod o fewn y gyllideb. Mae’n rhaid i chi gadw cofnodion cywir o’r holl eitemau rydych chi’n eu llogi, prynu a’u benthyca.

Mae’r safon hon ar gyfer unrhyw un sydd ynghlwm â chaffael cyfarpar goleuo neu effeithiau a nwyddau traul a gallai fod yn berthnasol i’r rolau technegydd a Phennaeth Adran mewn cynyrchiadau theatr a byw.

---

1. llunio manylebau a meini prawf ar gyfer cyfarpar a nwyddau traul yn unol â gofynion y cynlluniau ar gyfer goleuo ac effeithiau
2. caffael gwybodaeth ar ddatblygiadau’r diwydiant sy’n ymwneud â chyfarpar a’i galluoedd
3. nodi’r nifer a’r mathau o eitemau sydd eu hangen, gan ystyried yr amserlenni a’r terfynau amser o ran dylunio a chynhyrchu
4. nodi ffynonellau o gyfarpar a nwyddau traul yn ôl manylebau, yr amserlen a’r gyllideb  
5. cyflwyno a chytuno ar ddewisiadau amgen i wneuthurwyr penderfyniadau, pan fo costau’r opsiynau a ffafrir yn uwch na’r costau a ganiateir
6. darparu manylebau cyflawn i gyflenwyr ar gyfer yr eitemau sydd i’w cyflenwi, gan gynnwys unrhyw ofynion arbennig
7. cytuno ar delerau ac amodau ar gyfer cyflenwi cyfarpar ac eitemau gyda chyflenwyr sy’n unol â gofynion y cynhyrchiad a’r gyllideb
8. sicrhau bod y trwyddedau, y caniatâd a’r cyfleusterau ar gyfer prynu, cludo, storio a defnyddio unrhyw ddeunyddiau peryglus ar waith
9. cadw cofnodion o archebion a chyflenwadau yn unol â’r gweithdrefnau sefydliadol
10. monitro ansawdd gwaith y cyflenwyr gan wirio bod y cyfarpar a’r nwyddau traul yn bodloni’r manylebau y cytunwyd arnyn nhw.
11. cydymffurfio gyda’r gweithdrefnau sefydliadol ar gyfer caffael, derbyn a storio cyfarpar a nwyddau traul
12. monitro gwariant a defnydd o’r gyllideb yn unol â’r gweithdrefnau sefydliadol, gan gyflwyno gwybodaeth i’r bobl briodol pan fo angen, cadw cofnodion i fonitro gwariant ar ffurfiau cymeradwy,
13. gweithio gan gadw at y gyllideb a gwybod sut i fynd i’r afael â gorwariant yn y gyllideb
14. ymdrin â phroblemau gyda chyflenwadau neu gyfarpar yn unol â phrosesau’r cynhyrchiad

---

1. y pwysigrwydd o feddu ar gopi cyfredol o’r cynllun goleuo, delweddau neu effeithiau a sut i ddehongli hyn
2. priodweddau a nodweddion yr ystod o gyfarpar a nwyddau traul y gellir eu defnyddio i gyflawni dyluniadau goleuo gofynnol
3. manteision a chyfyngiadau defnyddiau cyffredin a chyfuniadau o gyfarpar a nwyddau traul
4. y ffynonellau gwybodaeth am gyfarpar newydd sydd ar gael
5. y cyfarpar a’r nwyddau traul sydd eu hangen
6. ble i gaffael gwybodaeth am y ffynonellau cyflenwi, gan gynnwys cwmnïau llogi
7. ble i gaffael gwybodaeth am bolisïau llogwyr ar eitemau sbâr
8. pwysigrwydd cytuno ar fanylebau pendant ar gyfer cyfarpar a nwyddau traul, a sut i wneud hynny
9. y dogfennau sydd eu hangen ar gyfer cyflenwi cyfarpar a nwyddau traul
10. y rheoliadau a’r gofynion sy’n berthnasol i’ch maes gwaith gan gynnwys cynaliadwyedd
11. y cofnodion i’w cadw, a phwy sydd angen yr wybodaeth
12. y gweithdrefnau sefydliadol ar gyfer caffael, derbyn a storio cyfarpar a nwyddau traul.
13. pwysigrwydd gwirio eitemau sydd wedi’u danfon yn erbyn yr hyn sydd wedi’i archebu a gwirio bod y cyfarpar yn gweithio pan rydych yn ei dderbyn
14. y problemau a allai godi gyda chaffael cyfarpar a sut i fynd i’r afael â’r rhain

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL15

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd

---

---

caffael; goleuo; delweddau; effeithiau; cyfarpar; nwyddau traul; cynyrchiadau theatr a byw;

---