Cynllunio’r broses llwytho, gosod a dadosod ar gyfer cynyrchiadau theatr a byw

Mae’r safon hon yn ymwneud â chynllunio’r prosesau llwytho, gosod a dadosod ar gyfer cynyrchiadau byw. Bydd angen i chi gynllunio sut i gyflawni’r gwaith, nodi a chaffael y cyfarpar a’r bobl sydd eu hangen, cyfarwyddo eraill am y drefn a’r dulliau i’w defnyddio a gwirio bod y gwaith yn cael ei gyflawni’n gywir, gan ddatrys problemau pan fo’n briodol.

Mae’r safon hon ar gyfer Penaethiaid Adran neu’r rheiny sy’n gyfrifol am sicrhau bod y prosesau llwytho, gosod a dadosod yn cael eu cynllunio ar gyfer cynyrchiadau theatr a byw.

---

1. gwirio a chadarnhau bod cynlluniau’n bodloni gofynion y cynhyrchiad ac yn cydymffurfio gyda’r ddeddfwriaeth, y gofynion sefydliadol a’r codau ymarfer
2. monitro gweithgareddau yn erbyn cynlluniau gweithredu, gan gymryd camau unioni pan fo’n briodol
3. cynnal cyfathrebu i nodi newidiadau sydd â goblygiadau ar gynlluniau gweithredu
4. diwygio cynlluniau gweithredu i ganiatáu newidiadau, gan wirio cydymffurfiaeth gyda’r ddeddfwriaeth, y gofynion sefydliadol a’r codau ymarfer
5. gwirio a chadarnhau bod newidiadau i gynlluniau gweithredu’n cael eu rhoi ar waith
6. caffael gwybodaeth gan benaethiaid adran sy’n ymweld, i ganiatáu’r criw i gyflawni’r gwaith
7. gwirio a chadarnhau bod y staff yn gweithio gan ddefnyddio amserlenni, plotiau a chynlluniau cyfredol a’u bod yn meddu ar y wybodaeth sydd ei hangen
8. gwirio a chadarnhau cyflwr a diogelwch adnoddau’r cynhyrchiad
9. gwirio a chadarnhau bod y trefniadau ar waith ar gyfer cynnal cofnodion, labelu a phacio cydrannau
10. caffael manylion gan bobl berthnasol am eu gofynion llwytho a dadosod
11. defnyddio gwybodaeth gyfredol i nodi adnoddau’r cynhyrchiad sydd i’w rigio a’u dad-rigio
12. cadarnhau argaeledd, nifer a math y criw sydd eu hangen ar gyfer prosesau llwytho a dadosod
13. nodi’r cyfarpar a’r drafnidiaeth sydd eu hangen ar gyfer y prosesau llwytho a dadosod
14. trefnu a chydlynu gweithgareddau, pobl ac adnoddau i fodloni gofynion o fewn y ddeddfwriaeth, y gofynion sefydliadol a’r codau ymarfer presennol
15. cytuno ar amserlenni gyda’r bobl briodol
16. cyflwyno gwybodaeth i staff technegol, codi a gostwng a gweithwyr allweddol eraill ym mhob tîm
17. gwirio bod ardaloedd ar gyfer derbyn cydrannau’n cael eu paratoi ymlaen llaw
18. cytuno ar a chyfathrebu’r safonau diogelwch sy’n berthnasol gyda’r bobl berthnasol
19. ymateb i doriadau mewn gofynion iechyd a diogelwch yn unol â’r ddeddfwriaeth, y gofynion sefydliadol a’r codau ymarfer
20. cynnal cofnodion iechyd a diogelwch yn unol â’r ddeddfwriaeth, y gofynion sefydliadol a’r codau ymarfer

---

1. ble i gaffael yr wybodaeth ar gyfer y cynllun llwytho, gosod a dadosod
2. pam mae angen hysbysu staff sy’n gweithio mewn rhannau amrywiol o’r adeilad a’r awditoriwm o beth sy’n digwydd
3. pwysigrwydd trafod gofynion ymarferol gyda staff technegol a chofnodi penderfyniadau
4. pwysigrwydd cyfathrebu newidiadau’n brydlon a sut i wneud hyn
5. y gwahanol lwyfannau gogwydd ac arwynebau perfformio anwastad a allai fod yn beryglus
6. yr ystod o adnoddau sydd eu hangen a sut gellir eu caffael
7. y mathau o gynllunio gwaith ac amserlenni amser
8. pam mae angen i staff weithio gan ddefnyddio amserlenni cyfredol
9. pwysigrwydd cytuno ar gynlluniau gweithredu gyda’r bobl sydd ynghlwm
10. y mathau o gofnodion sydd angen eu cadw
11. pryd i gynnig rhybudd ymlaen llaw i’r lleoliad derbyn o wybodaeth y cynhyrchiad, amserlenni, asesiadau risg, tystysgrifau Prawf Offer Cludadwy (PAT) a thystysgrifau Rheoliadau Gweithrediadau Codi a Chyfarpar Codi (LOLER)
12. y problemau a allai godi a’r camau gweithredu unioni a ellir eu cymryd i’w datrys
13. y ddeddfwriaeth, y gweithdrefnau a’r protocolau ar gyfer rigio a dad-rigio
14. dillad diogelu personol (PPE) i’w ddefnyddio wrth rigio a dad-rigio cyfrannau a chynorthwyo gyda dadosod setiau  
15. sut i fonitro gweithgareddau llwytho, gosod a dadosod
16. y gwahanol dechnolegau, technegau ac adnoddau y gellir eu defnyddio
17. sut i addasu cynlluniau i weithio o fewn cyfyngiadau gwahanol leoliadau
18. y mathau o ddarluniau a ddefnyddir sy’n berthnasol i’ch gwaith, sut maen nhw’n cydgysylltu a sut i echdynnu gwybodaeth ddimensiynol neu ystadegol ohonyn nhw gan gynnwys gwybodaeth am safleoedd llwyfan
19. y symbolau, y derminoleg a’r arferion a ddefnyddir ar gyfer darluniau a manylebau trydanol, mecanyddol neu electronig
20. sut i fonitro cyflwr a diogelwch yr adnoddau sy’n cael eu symud
21. y gyfraith gyflogaeth, y cytundebau undeb a thŷ ar gyfer dyrannu gwaith a seibiannau gorffwys
22. egwyddorion cyfraith contract a chanllawiau’r sefydliad ar arolygon strwythurol a phryd y mae’r rhain yn ofynnol
23. y rheoliadau trafnidiaeth a phriffyrdd
24. sut i gofnodi toriadau o ran iechyd a diogelwch megis llyfrau damweiniau ac adroddiadau damweiniau
25. y cyfrifoldebau a’r canllawiau sefydliadol mewn perthynas â’r gweithgareddau gwaith sy’n gysylltiedig â’r broses symud
26. y gofynion pacio a labelu gan gynnwys labeli pwysau a phecynnau cludo  
27. y ddeddfwriaeth, y gofynion sefydliadol a’r codau ymarfer

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL12

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Criw Technegydd, Trydanwr Cynhyrchiad

---

---

cynllun; proses llwytho, gosod a dadosod; cynyrchiadau theatr a byw;

---