Dehongli a chynllunio sain ar gyfer cynyrchiadau theatr a byw

Mae’r safon hon yn ymwneud â chynllunio sain ar gyfer cynhyrchiad. Bydd angen i chi ddehongli dyluniadau, chwilio am unrhyw wybodaeth ychwanegol a pharatoi cynlluniau manwl, cywir ac ymarferol mewn ymgynghoriad ag aelodau eraill o’r tîm. 

Mae’r safon hon ar gyfer unrhyw un sydd ynghlwm â chynllunio sain ar gyfer cynyrchiadau theatr a byw.

---

1. casglu gwybodaeth i gynllunio sain, gan ofyn am gyngor a chymorth pan fo’i angen
2. asesu ymarferoldeb o ran bodloni’r gofynion sain, gan nodi unrhyw gyfleoedd a chyfyngiadau
3. trin a thrafod newidiadau i sain gyda gwneuthurwyr penderfyniadau pan nad oes modd bodloni’r gofynion
4. darparu gwybodaeth i reolwr y cynhyrchiad ar gyfer y trwyddedau sydd eu hangen ar gyfer sain wedi’i ail-gynhyrchu
5. dewis cyfarpar i fodloni gofynion y cynhyrchiad, gan ystyried yr agweddau technegol ac ariannol ac a yw’r cyfarpar ar gael
6. cynllunio safleoedd rigio ar gyfer cyfarpar sy’n cynnig yr ansawdd sain gorau posibl o fewn cyfyngiadau lleoliadau
7. datblygu cynlluniau rigio sy’n manteisio i’r eithaf ar eglurder a chysondeb y perfformiad i’r gynulleidfa gyfan
8. cynllunio dewis a safle cyfarpar sy’n caniatáu llwyfannu cynyrchiadau arfaethedig  
9. cynllunio systemau sy’n gyraeddadwy ac o fewn y cyfyngiadau cyllideb ac amser ar gyfer cynyrchiadau
10. cynnwys cynlluniau wrth gefn pan fo cyfarpar yn methu
11. llunio manylebau ar gyfer y systemau rydych yn eu dyfeisio
12. cydnabod a rhagweld gorwariant yn y gyllideb, nodi rhesymau dros hynny a chytuno ar gamau gweithredu i fynd i’r afael ag o
13. cadw cofnodion o gynlluniau y cytunwyd arnyn nhw

---

1. ble i gaffael gwybodaeth am y sgript, y sgôr, y briff, y dyluniadau y cytunwyd arnyn nhw, cyd-destunau’r cynhyrchiad, gwedd a theimlad arfaethedig cynyrchiadau a disgwyliadau a dewisiadau’r gwneuthurwyr penderfyniadau
2. effeithiau gwahanol ffurfiau llwyfan ar ddyluniadau goleuo a phwysigrwydd adolygu gwybodaeth ar yr holl leoliadau a’r amgylchiadau lle bwriedir defnyddio dyluniadau
3. pwy sy’n gyfrifol am ddyluniadau a’r gofynion creadigol a thechnegol a sut y byddwch yn cael eich hysbysu am unrhyw newidiadau i ofynion dylunio
4. sut i ddadansoddi gofynion dyluniadau sain
5. cyfyngiadau a therfynau amser cynhyrchu, ariannol ac adnoddau, y paramedrau ansawdd ar gyfer y gwaith a’r hyblygrwydd ynghylch cyfyngiadau y cytunwyd arnyn nhw
6. sut i weithio’n unol â’r cyllidebau
7. rolau a chyfrifoldebau aelodau’r tîm creadigol a thechnegol a’r llinellau cyfathrebu
8. y ddeddfwriaeth, y gofynion sefydliadol a’r codau ymarfer ar gyfer y defnydd o ddeunyddiau, prosesau, technoleg a’r lleoliadau sydd ynghlwm a sut i gynnal asesiadau risg ar gynlluniau staff ar gyfer staff a’r gynulleidfa
9. arddull ac ansawdd sain a’r nodweddion llwyfannu nodweddiadol sy’n gysylltiedig gyda gwahanol fathau o gynyrchiadau gan gynnwys cerddoriaeth fyw, theatr, dawns, opera, digwyddiadau corfforaethol neu arenâu
10. y symbolau, terminolegau, ffurfiau ac arferion a ddefnyddir mewn darluniau a manylebau trydanol, mecanyddol neu electronig, gan gynnwys darluniau sgematig
11. y mathau o ddarluniau a ddefnyddir ar gyfer cynlluniau sain, sut maen nhw’n cydgysylltu a sut i echdynnu gwybodaeth ddimensiynol neu ystadegol ohonyn nhw a nodi unrhyw feysydd sy’n aneglur neu’n anghyflawn
12. y trwyddedau sy’n gysylltiedig â sain a sut i’w caffael
13. nodweddion perfformio’r cyfarpar sydd â’r dichonoldeb mwyaf i fodloni gofynion y cynhyrchiad
14. yr egwyddorion acwsteg a sut maen nhw’n berthnasol i ddyluniad systemau sain
15. yr egwyddorion electronig sylfaenol gan gynnwys rhwystriant, cynnydd, gwanhad, cymhareb signal i sŵn
16. sut mae lleoliad uchelseinydd yn effeithio ar ledaeniad a gwasgariad sain
17. y strwythur cynnydd a’i oblygiadau
18. y gofynion cadw cofnodion

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL9

---

Technegydd, Technegydd Cynorthwyol, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Clyweledol, Technegydd Sain, Gweithredwr Sain

---

---

dehongli a chynllunio; sain; cynyrchiadau theatr a byw;

---