Cynnal cydrannau golygfaol, systemau codi a gostwng a chelfi ar gyfer cynyrchiadau theatr a byw

Mae’r safon hon yn ymwneud â chyflawni gwaith cynnal a chadw mewnol, atgyweirio a glanhau i gydrannau golygfaol, systemau codi a gostwng neu gelfi. 

Mae hyn yn cynnwys sicrhau bod nifer digonol o gelfi ar gael ar gyfer cynyrchiadau ac y bydd celfi yn gweithio drwy gydol y cyfnod cynhyrchu. Mae’n ymwneud â chyflawni gwiriadau rheolaidd, cyflawni atgyweiriadau sylfaenol ac amnewid eitemau na ellir eu hatgyweirio. 

Mae’r safon hon ar gyfer unrhyw un sy’n cynnal a chadw cydrannau golygfaol, systemau codi a gostwng neu gelfi ar gyfer cynyrchiadau theatr a byw.

---

1. cyflawni gwiriadau yn unol â’r amserlenni y cytunwyd arnyn nhw a chyfarwyddiadau’r gwneuthurwr
2. cofnodi gwybodaeth am wiriadau a gwaith cynnal a chadw
3. cael gwared ar eitemau na ellir eu glanhau neu eu hatgyweirio ar unwaith, gan eu hamnewid am eitemau addas yn eu lle
4. dilyn gweithdrefnau ar gyfer unrhyw eitemau neu gydrannau sydd angen sylw yn ddi-oed
5. cyflawni gwaith cynnal a chadw ac atgyweiriadau o fewn eich cylch gorchwyl ac yn unol â’r ddeddfwriaeth, y gofynion sefydliadol a’r codau ymarfer
6. adrodd am anghenion cynnal a chadw neu atgyweirio sydd y tu hwnt i’ch cylch gorchwyl, yn unol â’r gofynion sefydliadol y mae’n rhaid i rywun arall fynd i’r afael â nhw, i’r bobl briodol yn ddi-oed
7. trefnu gofod gweithio diogel i gyflawni eich gwaith
8. dewis offer, cyfarpar, deunyddiau a dulliau gweithio ar gyfer y gydran rydych yn gweithio arni a’r gwaith cynnal a chadw neu atgyweirio sydd ei angen
9. adrodd am unrhyw broblem yn unol â’r ddeddfwriaeth, y gofynion sefydliadol a’r codau ymarfer
10. defnyddio cyfarpar a deunyddiau yn unol â chyfarwyddiadau gwneuthurwyr ac yn unol â’r gofynion iechyd a diogelwch
11. cyflawni gwaith yn unol â’r cyfarwyddiadau i sicrhau bod gwaith sydd wedi’i gwblhau yn ddiogel, yn ddefnyddiol ac yn bodloni gofynion y perfformiad
12. gwirio bod eitemau’n lân a heb unrhyw frychau ar ôl cynnal a chadw neu atgyweirio
13. dychwelyd eitemau i’w lleoliad cywir a’u gosod mewn pryd ar gyfer y perfformiad
14. storio’r deunyddiau a’r cyfarpar yn y lleoliadau cywir ac yn unol â’r gofynion diogelwch
15. dychwelyd celfi a deunyddiau eraill i gyflenwyr neu logwyr neu eu storio mewn cyflwr glân a phriodol ar y cyd â’r dogfennau gofynnol

---

1. yr amserlenni archwilio
2. pwysigrwydd gwirio cydrannau golygfaol a systemau codi a gostwng
3. sut i gaffael a dehongli cyfarwyddiadau’r gwneuthurwr a pam mae’n rhaid i chi eu dilyn
4. yr ystod o anghenion cynnal a chadw neu atgyweirio rydych yn debygol o’u canfod mewn cydrannau golygfaol, cydrannau codi a gostwng a chyfarpar codi a gostwng a sut i’w hadnabod
5. sut i adnabod eitemau sydd angen eu hatgyweirio, eu glanhau neu eu hamnewid
6. pa gelfi gellir eu hailgylchu, a’r dulliau ailgylchu perthnasol
7. y gweithdrefnau ar gyfer amddiffyn celfi gan gynnwys celfi o werth uwch
8. eich lefel personol o gyfrifoldeb a chymhwysedd ar gyfer cynnal a chadw, glanhau neu atgyweirio
9. pwy ddylech roi gwybod iddyn nhw os yw’r difrod y tu hwnt i’ch lefel cyfrifoldeb neu gymhwysedd chi
10. y mathau o waith cynnal a chadw neu atgyweirio sydd angen ei gwblhau ar unwaith a’r gweithdrefnau i’w dilyn
11. y ddeddfwriaeth, y gofynion sefydliadol a’r codau ymarfer sy’n berthnasol i gynnal a chadw systemau a’r cydrannau codi a gostwng
12. y ddeddfwriaeth, y gofynion sefydliadol a’r codau ymarfer sy’n berthnasol i’r defnydd o ddeunyddiau, prosesau a thechnoleg
13. sut i drefnu eich gwaith er mwyn i chi ei gyflawni’n ddiogel
14. sut i adnabod pan na ellir cyflawni gwaith ar y set a’r gweithdrefnau i’w dilyn i fynd i’r afael ag o
15. yr ystod o offer, cyfarpar a deunyddiau ar gyfer y mathau o waith cynnal a chadw sy’n cael ei gyflawni a sut i’w defnyddio
16. nodweddion gweledol gwahanol y deunyddiau sydd i’w atgyweirio
17. y problemau y gallech eu hwynebu wrth gyflawni gwaith cynnal a chadw, atgyweirio neu lanhau terfynol a pham ac i bwy y dylech chi eu hadrodd
18. y gwiriadau terfynol i’w cyflawni i sicrhau bod y gwaith sydd wedi’i gwblhau yn ddiogel, yn ddefnyddiol ac o’r wedd gywir
19. sut i gynnal a chadw cofnodion cynnal a chadw
20. y gofynion storio, ailgylchu a gwaredu ar gyfer deunyddiau, cyfarpar a chelfi
21. y gofynion hylendid penodol ar gyfer ymdrin ag a storio nwyddau traul a pherifferolion

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL23

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd

---

---

cynnal; cydrannau golygfaol; systemau codi a gostwng; celfi; cynyrchiadau theatr a byw;

---