Gweithredu delweddau ar gyfer cynyrchiadau theatr a byw

Mae’r safon hon yn ymwneud â gweithredu delweddau yn ystod cynyrchiadau byw fel eu bod yn bodloni gofynion y cynhyrchiad. Gallai’r delweddau olygu, ond heb eu cyfyngu i, tafluniadau, hologramau a fideos.  Mae’n ymdrin â’ch gallu i gyflawni gwiriadau cyn y perfformiad, gweithredu delweddau a chyflawni gwiriadau ar ôl y perfformiad.

Mae’r safon hon ar gyfer unrhyw un sy’n gweithredu delweddau yn ystod cynyrchiadau theatr a byw.

---

1. gwirio a chadarnhau bod yr holl gyfarpar ar gyfer y perfformiad mewn lle ac yn gweithio’n ddiogel
2. cyflawni atgyweiriadau ac amnewid nwyddau traul yn dilyn y gweithdrefnau a’r amserlen gymeradwy
3. cadarnhau bod y cyfarpar yn barod gyda’r bobl berthnasol
4. pweru’r cyfarpar yn y drefn gywir ac mewn da bryd ar gyfer y perfformiad
5. cynnig cysondeb drwy gydol y perfformiad a gyda pherfformiadau cynharach
6. gweithredu delweddau yn unol â’r goleunodau a’r plot mewn ffordd sy’n ategu’r perfformiad artistig
7. mynd i’r afael â phroblemau yn ystod y perfformiad gan ddefnyddio gweithdrefnau wrth gefn pan fo’n bosibl
8. nodi problemau ac awgrymu sut y gellir osgoi’r rhain mewn perfformiadau yn y dyfodol  
9. cyflawni’r holl weithrediadau heb darfu ar y perfformiad
10. anwybyddu goleunodau pan rydych yn ystyried bod gofyn i chi wneud hynny yn y sefyllfa dan sylw
11. diffodd pŵer yr holl gyfarpar yn y drefn gywir
12. sicrhau bod y cyfarpar a’r nwyddau traul yn ddiogel yn unol â chyfarwyddiadau’r gwneuthurwr
13. adnabod unrhyw gyfarpar sy’n anniogel neu sydd ddim yn gweithio’n gywir a dilyn y ddeddfwriaeth, y gofynion sefydliadol a’r codau ymarfer ar gyfer labelu, amnewid ac atgyweirio

---

1. pwysigrwydd gwiriadau cyn y perfformiad
2. sut i wirio cyfarpar ar gyfer delweddau i sicrhau eu bod yn gweithio’n ddiogel
3. sut i gyflawni atgyweiriadau ac amnewid nwyddau traul yn ddiogel a dilyn y gweithdrefnau cymeradwy
4. sut i anodi a dilyn sgript neu sgôr gan gynnwys llinellau goleunodau a goleunodau gweledol
5. ystyr termau cyffredin a ddefnyddir ar gyfer goleunodau gan gynnwys goleunodau ‘Standing By’ a ‘Go’
6. y derminoleg sy’n berthnasol i safleoedd llwyfan gan gynnwys cefn llwyfan, blaen llwyfan, chwith y llwyfan a de’r llwyfan
7. pwysigrwydd pweru’r cyfarpar yn y drefn gywir a sut i wneud hynny
8. safonau’r diwydiant sy’n ymwneud â holl agweddau o weithio gyda thrydan a chyfarpar trydanol
9. sut i weithredu gwahanol fathau o gonsolau i gynhyrchu gwahanol fathau o effaith
10. sut gallai dyluniadau, lleoliadau a gweithgarwch goleuo effeithio ar ddelweddau
11. y gwahaniaeth rhwng gweithredu cyfarpar yn ystod ymarferion a gweithredu cyfarpar yn ystod perfformiad
12. pwysigrwydd gweithredu cyfarpar mewn ffordd sy’n ategu’r perfformiad artistig a sut i wneud hynny
13. pwysigrwydd cysondeb gyda pherfformiadau cynharach a sut i gyflawni hyn
14. y namau a’r problemau a allai godi yn ystod perfformiad a sut i fynd i’r afael â’r rhain gan darfu cyn lleied â phosibl ar y perfformiad
15. pwysigrwydd nodi problemau a sut i osgoi’r rhain mewn perfformiadau yn y dyfodol
16. y gweithdrefnau mewn argyfwng, yn enwedig ar gyfer pŵer yn diffodd neu danau
17. y sefyllfaoedd lle dylid anwybyddu goleunodau
18. y gweithdrefnau cywir ar gyfer diffodd pŵer, gan ystyried anghenion cwmnïau teithiol
19. pwysigrwydd sicrhau bod yr holl gyfarpar a’r nwyddau traul yn ddiogel a sut i wneud hynny

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL49

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Clyweledol

---

---

gweithredu delweddau; delweddau; cynyrchiadau theatr a byw;

---