Gweithredu sain ar gyfer cynyrchiadau theatr a byw

Mae’r safon hon yn ymwneud â gweithredu sain i fodloni gofynion y cynhyrchiad. Gallai hyn fod yn ystod y broses ymarfer neu ar gyfer y perfformiad go iawn. 

Bydd gofyn i chi baratoi a gweithredu cyfarpar sain i baratoi sain a mynd i’r afael ag unrhyw namau fel nad yw’r perfformiad yn cael ei amharu. Bydd gofyn i chi hefyd gyfathrebu gyda pherfformwyr a chydweithwyr eraill. 

Mae’r safon hon ar gyfer unrhyw un sy’n gweithredu cyfarpar sain i baratoi sain ar gyfer cynyrchiadau theatr a byw.

---

1. pennu a chadarnhau’r gofynion o ran gweithredu sain
2. cynnal cyfathrebu gyda pherfformwyr a chydweithwyr i nodi newidiadau sydd â goblygiadau ar weithredu sain
3. egluro materion neu broblemau technegol i berfformwyr a chydweithwyr gan ystyried eu lefel o ddealltwriaeth dechnegol
4. cyfathrebu gofynion gweithredu sain i weithredwyr sain yn eich tîm
5. monitro a chynnal cyflwr a diogelwch cyfarpar sain yn unol â’r ddeddfwriaeth, y gofynion sefydliadol a’r codau ymarfer  
6. gwirio a chadarnhau bod yr holl gyfarpar yn gyflawn, yn gweithio’n gyfan gwbl, heb unrhyw ddiffygion ffisegol ac yn bodloni’r ddeddfwriaeth, y gofynion sefydliadol a’r codau ymarfer
7. gwneud cynlluniau wrth gefn ar gyfer pan fo cyfarpar yn methu ac unrhyw ddiffygion
8. rheoli a chywiro namau, methiannau a thoriadau gan amharu cyn lleied â phosibl ar y perfformiad
9. gwirio a chadarnhau bod signal sain wedi’i chwyddo yn rhydd o atsain a diffygion eraill  
10. gwneud ymatebion cywir a chyson i oleunodau
11. chwarae sain am yr hyd a’r lefel disgwyliedig o fewn terfynau diogel
12. sicrhau bod cymysgedd, lefelau ac ansawdd y sain yn bodloni gofynion y perfformwyr, y dylunwyr sain, y timau creadigol, rheolwyr y lleoliad a’r cynhyrchwyr
13. sicrhau bod yr ansawdd chwarae sain yn bodloni’r manylebau technegol ac artistig y cytunwyd arnyn nhw ac yn cyflawni gofynion y dyluniadau sain
14. gadael amgylcheddau gweithio a’r cyfarpar yn barod i’w defnyddio a deunyddiau mewn cyflwr addas i’w ddefnyddio’n ddiweddarach
15. adrodd am fethiannau i gyfarpar yn ystod y perfformiad na allwch chi fynd i’r afael â nhw i’r bobl briodol
16. cadw cofnodion ar ffurfiau y cytunwyd arnyn nhw

---

1. sut i adnabod gofynion perfformwyr, dylunwyr sain, timau creadigol, rheolwyr lleoliadau a chynhyrchwyr
2. sut i ddarllen a dehongli manylebau dylunio ar gyfer sain
3. sut i anodi a dilyn sgript neu sgôr
4. sut i ddilyn taflenni rhybuddnodau ac ymateb i oleunodau
5. ystyr termau cyffredin ar gyfer cynnig goleunodau gan gynnwys goleunodau ‘Standing By’ a ‘Go’
6. y derminoleg sy’n ymwneud â safleoedd llwyfan gan gynnwys cefn llwyfan, blaen llwyfan, chwith y llwyfan a de’r llwyfan
7. pam mae’n bwysig ymdrin yn gwrtais gyda pherfformwyr a chydweithwyr gan ystyried eu lefel o ddealltwriaeth dechnegol
8. sut a phryd i gyfathrebu gyda gweithredwyr sain eraill am ofynion ac ansawdd gweithredu
9. y ddeddfwriaeth, y gofynion sefydliadol a’r codau ymarfer ar gyfer diogelwch mewn perthynas â sain ar gyfer y perfformwyr a’r gynulleidfa fel ei gilydd
10. y mathau o gyfarpar, ei swyddogaethau a sut i’w ddefnyddio gan gynnwys cyfarpar cymysgu a chyfarpar chwarae
11. y cyfarpar a ddefnyddir i ddarparu atgyfnerthu sain i berfformwyr (monitro), gan gynnwys uchelseinyddion, clustffonau, teclynnau clust, cyfartalwyr graffeg, cyfartalwyr paramedrig a phroseswyr eraill
12. nodweddion meicroffonau, seinchwyddwyr ac uchelseinyddion a sut i fanteisio i’r eithaf ar eu gweithrediad ar gyfer perfformwyr
13. sut i gyflawni’r lefel a’r ansawdd sain sy’n bodloni gofynion y perfformiwr pan ddefnyddir sain-gyfeirio heb gyfaddawdu anghenion y cynhyrchiad neu anghenion y perfformwyr eraill
14. pwysigrwydd gwirio cyfarpar a sicrhau ei fod yn cydymffurfio gyda’r gofynion diogelwch
15. y mathau o broblemau, namau, methiannau a thoriadau a sut i fynd i’r afael â’r rhain
16. egwyddorion gweithredu cydrannau system atgyfnerthu sain
17. sut i asesu lefel ac ansawdd sain
18. pwysigrwydd deall lefelau sain derbyniol ar gyfer lles cynulleidfaoedd a chymdogion sy’n agos at leoliadau
19. sut i osgoi a mynd i’r afael ag atsain a lliwiad
20. egwyddorion acwstig sylfaenol sy’n berthnasol i atgyfnerthu sain byw
21. effeithiau dylanwadau allanol ar gyfryngau sydd wedi’i recordio
22. y sbectrwm sain a’r cyfartaliad
23. rhyng-gysylltiadau system
24. sut i adnabod a rheoli neu ddatrys problemau ar unwaith cyn neu yn ystod perfformiad
25. pam mae’n bwysig gadael cyfarpar a’r ardal mewn cyflwr priodol wedi i chi gwblhau eich gwaith
26. y safonau a’r gweithdrefnau ar gyfer glanhau cyfarpar a’r deunyddiau i’w defnyddio
27. pa fath o ddogfennau sydd eu hangen a pham

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL47

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Clyweledol, Technegydd Sain, Gweithredwr Sain

---

---

sain; gweithredu sain; cynyrchiadau theatr a byw;

---