Gwirio a chadarnhau bod delweddau’n bodloni’r gofynion yn ystod ymarferion ar gyfer cynyrchiadau theatr a byw

Mae’r safon hon yn ymwneud â defnyddio’r cyfnod ymarfer i sicrhau y bydd y delweddau a ddefnyddir mewn cynyrchiadau byw yn cyflawni’r effaith a ddymunir. Gallai delweddau olygu, ond heb eu cyfyngu i, tafluniadau, hologramau a fideos. Bydd angen i chi fireinio dyluniadau fel sy’n briodol a chanfod datrysiadau ymarferol neu dechnegol i broblemau cyn noson y wasg a’r noson agoriadol. 

Bydd gofyn i chi lunio plotiau manwl o agweddau gweledol cynyrchiadau a’u diweddaru yn ystod ymarferion. Mae’n rhaid i chi nodi ble bydd problemau’n codi, a gwneud argymhellion am newidiadau ac ymateb yn gadarnhaol i argymhellion am newidiadau er mwyn bodloni’r gofynion dylunio.

Mae’r safon hon ar gyfer unrhyw un sydd ynghlwm â sicrhau bod delweddau’n bodloni gofynion yn ystod ymarferion ar gyfer cynyrchiadau theatr a byw.

---

1. mynychu ymarferion llwyfan technegol ac ymarferion gwisg pan fo angen
2. gwirio a chadarnhau bod dyluniadau gweledol yn parhau i fodloni gofynion y cynhyrchiad pan fo nhw wedi’u cyfuno gydag agweddau eraill cynyrchiadau
3. cyflawni addasiadau y gofynnwyd amdanyn nhw i oleunodau
4. awgrymu datrysiadau i broblemau o ran cyflawni delweddau a ddymunir sy’n hyfyw ac yn cyd-fynd gyda’r bwriadau dylunio
5. adrodd am broblemau gyda chyflawni’r delweddau a ddymunir i’r bobl berthnasol
6. cynllunio ar gyfer gweithdrefnau wrth gefn i fynd i’r afael â chyfarpar yn methu yn ystod perfformiadau
7. ymgynghori gyda’r staff creadigol a thechnegol perthnasol i gytuno ar newidiadau i gynlluniau a phlotiau cyfarpar
8. gwneud addasiadau y cytunwyd arnyn nhw i’r plotiau, y cynlluniau cyfarpar a’r rhestrau goleunodau presennol sy’n cynnal uniondeb cyffredinol dyluniadau
9. cofnodi gwybodaeth ar gyfer delweddau
10. cadarnhau bod y rheolwyr llwyfan yn meddu ar y plotiau cywir gyda safleoedd goleunodau wedi’u hymgorffori yn rhestrau cynnal y cynhyrchiad

---

1. y gwahaniaeth rhwng ymarferion, ymarferion technegol, ymarferion gwisg a rhagolygon a rôl y dylunydd a’r gweithredwr ynghlwm â’r rhain
2. pwysigrwydd y cyfnod ymarfer o ran profi a yw goleunodau penodol yn gweithio, gan nodi lleoliadau ar y llwyfan ble byddai effeithiau ar waith, ac a oes angen ychwanegu goleunodau newydd
3. y derminoleg llwyfan a’i hystyr gan gynnwys cefn llwyfan, blaen llwyfan, chwith y llwyfan a de’r llwyfan
4. yr ystod o broblemau a gwelliannau posibl y gellir eu nodi yn ystod ymarferion
5. trefniadaeth y safle rheoli delweddau a galluoedd a gweithrediad y cyfarpar, gan gynnwys canfod namau a chynnal a chadw llinell gyntaf
6. y gweithdrefnau wrth gefn y cytunwyd arnyn nhw a sut i’w gweithredu
7. pwysigrwydd cynnal uniondeb cyffredinol dyluniadau
8. pwysigrwydd darparu deunydd ymarfer a phryd i wneud hynny
9. pwysigrwydd cyfathrebu’n gynnar am safleoedd taflunyddion ac arbrofi gyda’r rhain mewn ymarferion
10. sut mae dyluniadau, lleoliadau a gweithgarwch goleuo yn gallu effeithio ar ddelweddau
11. pwysigrwydd cynllunio, addasu goleunodau a dogfennu addasiadau i blotiau
12. pwysigrwydd sicrhau bod y rheolwyr llwyfan yn meddu ar restr gyfredol o oleunodau gan gynnwys pwyntiau goleunodau mewn sgriptiau fel y rhagwelir ar unrhyw adeg
13. pwysigrwydd ymgynghori gyda’r staff creadigol a thechnegol eraill yn ystod ymarferion
14. pwysigrwydd archifo plotiau i’w defnyddio yn y dyfodol

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL39

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Clyweledol

---

---

ymarfer; delweddau; cynyrchiadau theatr a byw;

---