Cynllunio ac ymarfer goleuo ar gyfer cynyrchiadau theatr a byw

Mae’r safon hon yn ymwneud â chydlynu gwaith ymarfer a chynllunio goleuo. Bydd gofyn i chi ddefnyddio’r cyfnod ymarfer, gan gynnwys y sesiwn ymarfer a chynllunio technegol, i bennu’n union sut bydd y goleuo’n cael ei ddefnyddio i gyflawni’r effeithiau a ddymunir yn ystod y perfformiad.

Bydd angen i chi gynllunio’r goleunodau a’r gweddau ar gyfer pob cyflwr golau mewn cytundeb â’r bobl berthnasol gan ddefnyddio crynodebau a rhestrau goleunodau.  

Mae’n rhaid i chi ymateb i’r newidiadau sydd eu hangen yn ystod y cyfnod ymarfer a chanfod datrysiadau arloesol, ymarferol neu dechnegol i fodloni’r gofynion dylunio a chynhyrchu ar gyfer unrhyw broblemau sy’n codi, o fewn y briff dylunio y cytunwyd arno.

Mae’r safon hon ar gyfer technegwyr Goleuo, dylunwyr Goleuo a Phenaethiaid Adran Goleuo ar gyfer cynyrchiadau theatr a byw.

---

1. cyfathrebu am amserlenni cyffredinol y cynhyrchiad gyda staff perthnasol y cynhyrchiad
2. mynychu ymarferion llwyfan technegol ac ymarferion gwisg pan fo angen   
3. sicrhau bod yr effeithiau goleuo wedi’u cyfuno gydag agweddau eraill cynyrchiadau yn bodloni gofynion y cynhyrchiad
4. mynd i’r afael â phroblemau yn ôl y gweithdrefnau cymeradwy, gan awgrymu datrysiadau sy’n ymarferol ac sy’n cyd-fynd â’r bwriadau dylunio
5. adrodd am broblemau nad oes modd eu datrys i’r bobl briodol
6. ymgynghori gyda’r staff creadigol a thechnegol i ddiwygio cyflyrau goleuo
7. cynhyrchu cyflyrau goleuo sy’n bodloni’r amgylchiadau dylunio a chynnal uniondeb cyffredinol y dyluniadau
8. gwirio bod aelodau’r timau technegol wedi llunio rhestrau goleunodau gweithredol i gynnal trefn goleunod-i-oleunod cynyrchiadau
9. gwirio bod gan y rheolwyr llwyfan grynodeb goleunodau a safleoedd goleunodau cywir wedi’u hymgorffori yn nhrefn cynnal y cynyrchiadau
10. defnyddio gwybodaeth i raglennu a chysylltu desgiau goleuo yn rhithiol yn barod ar gyfer cynllunio
11. gwneud addasiadau gofynnol i wybodaeth goleuo, gwaith papur a goleunodau y mae desgiau goleuo yn meddu arni
12. cofnodi gwaith papur a gwybodaeth goleunodau y mae desgiau goleuo yn meddu arnyn nhw er mwyn i bobl eraill allu eu dilyn
13. cynllunio ac addasu cyflyrau goleuo, er mwyn iddyn nhw fodloni’r gofynion
14. datblygu a dilyn trefniadau wrth gefn i fynd i’r afael â phroblemau yn ystod gweithredu ac ar gyfer gwybodaeth goleunodau y mae desgiau goleuo yn meddu arni
15. chwarae cyflyrau goleuo i gyd-fynd â’r goleunod

---

1. y gwahaniaeth rhwng sesiynau cynllunio, ymarferion technegol, ymarferion gwisg a rhagolygon a’r rolau gallai dylunwyr goleuo a phennaeth yr adran oleuo eu chwarae ynghlwm â’r rhain
2. y gwelliannau posibl y gellir eu nodi yn ystod ymarfer
3. sut i weithio gyda’r timau technegol i ganfod datrysiadau i broblemau
4. pwysigrwydd ymgynghori gydag aelodau eraill o’r timau creadigol a thechnegol
5. pwysigrwydd cynnal uniondeb cyffredinol dyluniadau goleuo
6. pwysigrwydd gwedd gyffredinol y cynhyrchiad a sut mae goleuo yn cyfrannu tuag at hyn
7. galluoedd a gweithrediad desgiau goleuo, gan gynnwys canfod namau a chynnal a chadw llinell gyntaf
8. y derminoleg llwyfan a’i hystyr gan gynnwys cefn llwyfan, blaen llwyfan chwith y llwyfan a de’r llwyfan
9. sut i weithredu gosodiadau a’r cyfarpar goleuo, trydan y llwyfan ac effeithiau
10. y problemau a allai godi a phwy i gysylltu gyda nhw i ddarparu datrysiadau
11. pwysigrwydd cynllunio ac addasu cyflyrau goleuo i fodloni gofynion y cynhyrchiad
12. pam mae’n bwysig cyfathrebu gyda phobl eraill wrth gynllunio cyflyrau goleuo
13. y lefel o gyflymder, medrusrwydd ac effeithlonrwydd sydd ei angen wrth gynllunio
14. pwysigrwydd ymarferion a manteisio i’r eithaf ar gyfleoedd ymarfer
15. pwysigrwydd gwybodaeth ar-lein wrth gefn ynghlwm â’r ddesg oleuo ac archifo gwaith papur a gwybodaeth i’w defnyddio yn y dyfodol
16. y gweithdrefnau wrth gefn y cytunwyd arnyn nhw ar gyfer gwybodaeth sydd ynghlwm â’r bwrdd goleuo a sut i weithredu’r rhain
17. pwysigrwydd ymateb yn brydlon i addasiadau y gofynnwyd amdanyn nhw
18. sut i amnewid ffynonellau golau diffygiol, gan gynnwys sicrhau ynysu diogel
19. pwysigrwydd cofnodi addasiadau ar restrau goleunodau
20. y ddeddfwriaeth, y gofynion sefydliadol a’r codau ymarfer

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL36

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Goleuo

---

---

plot; ymarfer; goleuo; cynyrchiadau theatr a byw;

---