Paratoi a gosod cyfarpar awtomeiddio a pheiriannau llwyfan ar gyfer cynyrchiadau theatr a byw

Mae’r safon hon yn ymwneud â pharatoi a gosod cyfarpar awtomeiddio arbenigol a pheiriannau llwyfan, gan gynnwys ysgogwyr trydanol a hydrolegol, winshis, teclynnau codi, lifftiau llwyfan, maglau, llwyfannau sy’n cylchdroi a rheolaethau cysylltiedig.  

Bydd hyn yn golygu sicrhau bod y systemau awtomeiddio, gan gynnwys y systemau rheoli a mecanyddol, yn cydweithio’n effeithiol gyda’r system gyffredinol, a gwirio bod y rhain yn gweithredu’n unol â gofynion y cynhyrchiad a’r gofynion sefydliadol.

Bydd hyn hefyd yn golygu gweithio’n unol â’r ddeddfwriaeth, y gofynion sefydliadol a’r codau ymarfer a’r safonau diwydiant bob amser. 

Mae’r safon hon ar gyfer technegwyr Awtomeiddio a thechnegwyr awtomeiddio Golygfaol.

---

1. dehongli darluniau technegol i gynllunio gofynion sefydlu
2. llunio rhestrau echelinau system a deall y terfynau gweithredol
3. gwirio’r systemau a’r cydrannau awtomeiddio i sicrhau bod popeth ar gael i’w defnyddio
4. cydosod cyfarpar awtomeiddio ar gyfer golygfeydd symudol, setiau neu berfformwyr yn unol â safonau’r diwydiant a gofynion y cynhyrchiad
5. defnyddio technegau trin, codi a gostwng â llaw yn ddiogel yn unol â’r ddeddfwriaeth, y gofynion sefydliadol a’r codau ymarfer
6. nodi a mynd i’r afael â phroblemau wrth sefydlu systemau, cydrannau a pheiriannau awtomeiddio yn unol â’r ddeddfwriaeth, y gofynion sefydliadol a’r codau ymarfer
7. gwirio cyfarpar awtomeiddio ar gyfer golygfeydd symudol, setiau neu berfformwyr yn unol â safonau’r diwydiant
8. cyflawni a chofnodi profion dilysu y cytunwyd arnyn nhw gan ddilyn y protocolau diogelwch
9. nodi a mynd i’r afael ag unrhyw anghysondebau yn ystod y prawf dilysu
10. cadarnhau bod y peiriannau llwyfan neu set yn ddiogel ac yn cydymffurfio

---

1. egwyddorion systemau awtomeiddio, gan gynnwys cydrannau rheoli a mecanyddol
2. sut i ddarllen a dehongli darluniau technegol i osod y system(au) awtomeiddio
3. sut i wirio bod yr holl gydrannau ar gael fel y cynlluniwyd
4. y gweithdrefnau a’r technegau ar gyfer trin, codi a gostwng â llaw yn ddiogel
5. pwy yw’r person sy’n gyfrifol am weithredu’r system awtomeiddio a’r peiriannau llwyfan a rhoi cyfarwyddiadau
6. pam mae’n bwysig derbyn cyfarwyddiadau gan y person hwnnw’n unig
7. y gweithdrefnau y cytunwyd arnyn nhw ar gyfer gwirio a dilysu systemau
8. y protocolau diogelwch i’w defnyddio yn ystod gwiriadau gweithredol
9. y technegau dadansoddi methiannau a chynllunio wrth gefn
10. protocol diogelwch a chyfathrebu’r sefydliad ar gyfer gweithredu systemau awtomeiddio
11. y problemau a allai godi wrth weithio gyda systemau, cydrannau a pheiriannau awtomeiddio a sut i fynd i’r afael â’r rhain
12. sut i sicrhau bod y system yn gweithio heb draul ormodol
13. pwysigrwydd cadw’r ardal waith yn ddiogel ac yn daclus a sut i wneud hynny
14. y ddeddfwriaeth, y gofynion sefydliadol a’r codau ymarfer a safonau’r diwydiant ynghylch sefydlu a gosod systemau, cydrannau a pheiriannau awtomeiddio

---

---

---

---

---

---

---

---

---

---

1

---

2028

---

Ar hyn o bryd

---

Gwreiddiol

---

ScreenSkills

---

SKSTTL17

---

Goruchwyliwr Technegol, Rheolwr Technegol, Prif Dechnegydd, Technegydd awtomeiddio

---

---

paratoi; gosod; awtomeiddio; peiriannau llwyfan; cynyrchiadau theatr a byw;

---