Gosod cyfarpar diwifr i berfformwyr ar gyfer cynyrchiadau theatr a byw

Mae’r safon hon yn ymwneud â gosod cyfarpar diwifr i berfformwyr. Bydd angen i chi egluro a chytuno ar y gofynion ar gyfer cyfarpar diwifr a sicrhau bod y cyfarpar yn ddiogel i’w ddefnyddio. Mae’n rhaid defnyddio amleddau cydnaws ar gyfer pob eitem o gyfarpar a gosod trosglwyddwyr a derbynwyr gyda mewnbwn a sensitifrwydd priodol ar gyfer y defnydd arfaethedig.

Mae’n rhaid i chi barchu sensitifrwydd perfformwyr o ran cyswllt corff bob amser wrth osod cyfarpar. Bydd angen i chi ofyn am gyngor gan yr adran wisgoedd ac arbenigwyr wigiau, gwallt a cholur os oes unrhyw broblemau gosod yn codi yn sgil gwallt neu ddillad y perfformiwr.

Mae’r safon hon ar gyfer unrhyw un sy’n gosod cyfarpar di-wifr i berfformwyr ar gyfer cynyrchiadau theatr a byw.

---

1. egluro a chytuno ar ofynion ar gyfer cyfarpar di-wifr
2. gwirio bod y cyfarpar di-wifr yn gyflawn, yn ddiogel, yn gweithio ac yn cydymffurfio â’r fanyleb
3. gosod a chysylltu erialau i fanteisio i’r eithaf ar ddewis amledd radio a lleihau’r tebygolrwydd o gyfnodau tawel heb sain
4. gwirio bod cyflwr y batris yn ddigonol ar gyfer yr hyd arfaethedig o ddefnydd
5. nodi a mynd i’r afael ag unrhyw namau, methiannau a diffygion yn y cyfarpar
6. cydymffurfio gyda gofynion trwyddedu amledd radio perthnasol bob amser
7. gwirio bod cydrannau cyfarpar yn bresennol, yn ddiogel, yn hylan ac yn gweithio
8. egluro’r trefniadau gosod i’r perfformwyr, gan dynnu eu sylw at eitemau a allai ymddangos ar y sgrin neu effeithio ar drosglwyddiad fel arall
9. gosod cyfarpar mewn modd sy’n parchu sensitifrwydd perfformwyr o ran cyswllt â’r corff, a defnyddio’r cyfarpar yn unol â’r gofynion cyfreithiol a sefydliadol
10. sicrhau bod y cyfarpar yn ddiogel, yn anymwthiol ac yn gyfforddus ar gyfer y perfformwyr
11. gosod y cyfarpar i fanteisio i’r eithaf ar berfformiad y cyfarpar, gan dalu sylw arbennig i leoliad meicroffonau, ceblau ac erialau
12. tynnu neu addasu eitemau personol a allai ymyrryd â throsglwyddiad er mwyn lleihau eu heffaith
13. gofyn am gyngor gan yr adran wisgoedd a’r arbenigwyr wigiau, gwallt a cholur am broblemau gosod a achosir gan ddillad neu wallt perfformiwr
14. gweithredu ar unwaith i leihau tarfu ar berfformiad os bydd cyfarpar yn ddiffygiol
15. tynnu, glanhau a gadael cyfarpar mewn cyflwr addas i’w hail-ddefnyddio

---

1. pwy i gysylltu gyda nhw i nodi’r gofynion sydd i’w bodloni
2. yr agweddau i’w hystyried wrth osod erialau ar gyfer sioe fyw
3. pwysigrwydd gwirio cyfarpar i sicrhau ei fod yn cydymffurfio gyda’r ddeddfwriaeth, y gofynion sefydliadol a’r codau ymarfer
4. sut i benderfynu ar y sensitifrwydd mewnbwn sain sydd ei angen
5. egwyddorion sylfaenol systemau trosglwyddo amledd radio
6. dangosyddion cyffredin namau, methiannau a diffygion a sut i fynd i’r afael â nhw
7. egwyddorion sylfaenol monitro mewn-glust
8. ymwybyddiaeth o bryderon iechyd a diogelwch ynghylch trosglwyddiadau amledd radio
9. y pryderon iechyd a diogelwch ynghylch y defnydd o fonitorau mewn-glust
10. y gofynion statudol a gweithdrefnol ar gyfer diogelwch mewn gwahanol leoliadau
11. ble i osod cyfarpar fel nad yw’n rhwystro symudiad y perfformiwr ond yn sicrhau bod y cyfarpar yn gweithio mor effeithiol â phosibl
12. nodweddion systemau trosglwyddo amledd radio a sut i fanteisio i’r eithaf ar eu gweithrediad ar gyfer y perfformiwr
13. sut i guddio cyfarpar mewn gwallt a dillad
14. pwy i gysylltu gyda nhw pan fo dillad perfformiwr yn golygu ei fod yn anodd gosod y cyfarpar
15. sut i drin perfformwyr yn gwrtais
16. sut i egluro materion technegol i rywun sydd ddim yn dechnegol
17. sut i sicrhau bod eitemau o gyfarpar y mae perfformiwr yn eu gwisgo yn lân yn hylendidol
18. pam mae’n bwysig gadael cyfarpar mewn cyflwr da ar ôl eu defnyddio

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL31

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Clyweledol, Technegydd Sain

---

---

gosod; cyfarpar di-wifr; perfformwyr; cynyrchiadau theatr a byw;

---