Gosod goleuadau, systemau rheoli ac ategolion ar gyfer cynyrchiadau theatr a byw

Mae’r safon hon yn ymwneud â gosod, dwyn goleuadau i ffocws a gwirio systemau rheoli ac ategolion. Bydd angen i chi weithio gydag eraill i osod neu rigio’r holl eitemau a’r cyfarpar hanfodol yn y safle cywir.

Mae hyn yn cynnwys paratoi’r ddesg oleuo cyn rhaglennu a gwifro a gosod eitemau ymarferol. 

Bydd angen i chi ddwyn goleuadau i ffocws yn unol â’r cynlluniau a’r cyfarwyddiadau, gwirio bod popeth yn gweithio’n gywir a nodi unrhyw broblemau sydd angen mynd i’r afael â nhw. 

Bydd angen i chi hefyd gludo’r cyfarpar i’r lleoliad a pharatoi i gludo’r cyfarpar o’r ardal berfformio. 

Mae’r safon hon ar gyfer technegwyr Goleuo a’r rheiny sydd ynghlwm â gosod goleuadau, systemau rheoli ac ategolion ar gyfer cynyrchiadau theatr a byw.

---

1. paratoi a gwirio bod yr offer, y nwyddau traul, yr ategolion, y cyfarpar mynediad a’r cyfarpar eraill sydd eu hangen ar gyfer goleuo fel sydd wedi’u nodi ar gynlluniau goleuo yn gweithio’n ddiogel cyn eu defnyddio
2. paratoi ardaloedd perfformio er mwyn cludo cyfarpar i mewn iddyn nhw
3. gosod cyfarpar, ac ategolion i gynorthwyo gyda’r gwaith rigio a dwyn goleuadau i ffocws
4. trin cyfarpar, offer a nwyddau traul mewn ffordd sy’n cynnal eu cyflwr ac iechyd a diogelwch chi’ch hun ac eraill
5. gosod goleuadau, systemau rheoli ac ategolion o fewn amserlenni y cytunwyd arnyn nhw
6. cynnal diogelwch y cyfarpar
7. cysylltu’r cyfarpar goleuo i ffynonellau trydanol diogel yn unol â gofynion y cynlluniau goleuo
8. llwybro, gosod a thacluso’r holl geblau mewn ffyrdd sy’n lleihau’r risg o ddifrod
9. gwirio cyfarpar goleuo gan ddilyn gweithdrefnau cymeradwy ar gyfer ymdrin â namau sydd wedi’u nodi
10. rigio’r cyfarpar a’r ategolion goleuo yn unol â’r gofynion dwyn i ffocws ac iechyd a diogelwch  
11. labelu’r cyfarpar a’r ategolion goleuo yn unol â’r cynlluniau goleuo
12. gwirio bod y ffitiadau a’r gosodiadau ymarferol yn bodloni’r graddfeydd dylunio cywir ac wedi’u gosod mewn lleoliadau yn unol â’r cynlluniau
13. addasu’r cyfarpar a’r ategolion goleuo i gyflawni’r effaith ddymunol a chloi’r addasiadau unwaith y byddwch chi wedi cyflawni’r ffocws a ddymunir
14. cadw llinellau a’r cyfarpar diangen mewn lleoliadau cywir a gofalu nad oes unrhyw lanast yn yr ardal waith
15. nodi ac ymdrin â difrod yn unol â’r gofynion sefydliadol, gan adrodd am unrhyw rai na allwch chi ymdrin â nhw i’r bobl briodol
16. storio’r cyfarpar a’r nwyddau traul mewn blychau priodol i leihau’r risg o ddifrod

---

1. sut i ddehongli gwybodaeth y plot goleuo yn gywir
2. y ddeddfwriaeth iechyd a diogelwch, y gofynion sefydliadol a’r codau ymarfer sy’n ymwneud â pharatoi a gosod cyfarpar ac ategolion goleuo
3. pwysigrwydd deall a chyflawni bwriadau’r dylunydd goleuo
4. y cyfarwyddiadau sydd angen eu rhoi i staff eraill
5. sut i lunio a gwirio rhestr o’r offer a’r nwyddau traul
6. yr egwyddorion sylfaenol ynghlwm â dadansoddi namau, y namau sy’n debygol o ddigwydd unwaith y bydd y cyfarpar wedi’u cysylltu gyda chylchedau rheoli
7. sut i wirio’r cyfarpar ac ymdrin â namau, a phwysigrwydd gwirio’r cyfarpar cyn gosod a rigio
8. sut i osod lampau newydd a phwysigrwydd sicrhau bod cyfarpar rydych chi’n gweithio arnyn nhw wedi’u hynysu
9. damcaniaethau protocolau rheoli goleuo gan gynnwys cadw rhediadau’n effeithlon a chyfyngiadau’r protocolau hyn
10. sut i wirio cyflenwadau trydan dros dro ac asesu eu haddasrwydd
11. pwysigrwydd cysylltiadau diogel ac egwyddorion sylfaenol daearu, bondiau daear a bondiau atodol
12. sut mae systemau tracio perfformwyr yn rhyngweithio gyda goleuadau, sain, fideo, effeithiau ac awtomeiddio
13. egwyddorion dyfeisiau sydd wedi’u cynnal gan ddata a phrotocolau rheoli
14. yr angen am y math cywir o gebl, cysylltydd a therfyniad llinell
15. pwysigrwydd osgoi gollyngiadau goleuni
16. yr arfer ddiogel ar gyfer cysylltu cyfarpar goleuo gan gynnwys defnyddio ceblau a phlygiau maint cywir ar gyfer y llwyth
17. sut i gysylltu cyfarpar goleuo yn unol â gofynion y cynllun goleuo, y defnydd o ‘gysylltu gyda cheblau’ a ‘chysylltu’n rhithiol’ a sut i gyflawni’r effeithlonrwydd mwyaf posibl o bob uned oleuo
18. posibilrwydd gostyngiadau mewn foltedd a’r effaith bosibl ar ffynonellau goleuadau dadwefru
19. pwysigrwydd dwyn golau i ffocws gan gynnwys lleoliad diogel i chi mewn perthynas â’r cyfarpar sy’n cael ei ddwyn i ffocws
20. pwysigrwydd rigiau’n cael eu terfynu’n briodol cyn eu dwyn i ffocws
21. effaith posibl rigio ar ddwyn i ffocws
22. sut i alw ffocws os oes rhywun arall yn dwyn i ffocws ar eich rhan chi
23. pwysigrwydd diogelu addasiadau terfynol a gadael yr ardal waith yn ddiogel ac yn daclus

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL29

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Goleuo, Technegydd Clyweledol

---

---

gosod; goleuo; systemau goleuo; systemau rheoli; cynyrchiadau theatr a byw;

---