Dehongli a chynllunio gwaith goleuo ar gyfer cynyrchiadau theatr a byw

Mae’r safon hon yn ymwneud â chynllunio’r gofynion goleuo ar gyfer cynyrchiadau byw. Bydd angen i chi ddehongli a chynllunio cynlluniau manwl, cywir ac ymarferol i fodloni’r gofynion dylunio a chytuno gydag aelodau eraill o’r tîm sut y bydd dyluniadau yn parhau i gael eu bodloni o fewn y gyllideb am gyfnod y cynyrchiadau. 

Mae’r safon hon ar gyfer unrhyw un sydd ynghlwm â dehongli a chynllunio gwaith goleuo ar gyfer cynyrchiadau byw.

---

1. caffael a defnyddio gwybodaeth am ddyluniadau a gofynion goleuo ar gyfer cynyrchiadau
2. egluro cwestiynau neu broblemau gyda dyluniadau goleuo gyda’r person sy’n gyfrifol am y rheiny
3. nodi’r cyfarpar technegol a fyddai’n bodloni’r dyluniadau orau, gan addasu manylebau pan fo angen i gydymffurfio gyda’r gyllideb
4. llunio cynlluniau goleuo wedi’u teilwra i ystyried gofynion goleuo eraill mewn lleoliadau
5. llunio cynlluniau goleuo sgematig i raddfa sy’n briodol i leoliadau
6. llunio’r rhestrau llusernau crog, llusernau cyffredinol, ategolion a lliw sy’n angenrheidiol i fod yn effeithiol
7. llunio manylebau a chynlluniau sy’n ymarferol ac yn gyraeddadwy o ystyried y cyfyngiadau o ran y gyllideb ac adnoddau
8. cofnodi a chyfathrebu gwybodaeth goleuo i’r staff technegol
9. cydweithio gyda’r bobl berthnasol i sicrhau bod y cynlluniau goleuo yn cyd-fynd gyda’r cyfyngiadau cyfreithiol, rheoleiddiol a sefydliadol
10. cadw copi cyfredol o gynlluniau goleuo
11. storio cynlluniau yn unol â gofynion y cynhyrchiad 
12. addasu cynlluniau i gynnal uniondeb dyluniadau a gweithio gan gydymffurfio gyda chyfyngiadau’r holl leoliadau sydd ynghlwm
13. pennu cytundeb pendant gyda’r timau creadigol i gynnal dyluniadau yn ystod y cyfnod pan fo’r cynhyrchiad ar waith neu ar daith
14. pennu cytundeb pendant gyda’r timau technegol i gynnal adnoddau’r cynhyrchiad yn ystod y cyfnod pan fo’r cynhyrchiad ar waith neu ar daith
15. nodi problemau gyda’r cynlluniau goleuo arfaethedig sy’n ymwneud â’r ddeddfwriaeth iechyd a diogelwch perthnasol
16. egluro a chytuno ar ddatrysiadau i unrhyw broblemau iechyd a diogelwch neu broblemau eraill gyda’r cynlluniau goleuo arfaethedig
17. cydnabod gorwariant posibl o ran y gyllideb, nodi’r achosion a chytuno ar y camau gweithredu i fynd i’r afael ag o
18. trin a thrafod cyllideb ychwanegol gyda’r bobl briodol pan fo’i angen ac yn realistig
19. monitro eich gwariant a’ch defnydd o’r gyllideb, gan gyflwyno gwybodaeth i’r bobl briodol pan fo’i hangen

---

1. ble i gaffael y briff a holl wybodaeth y cynhyrchiad
2. effeithiau’r gwahanol ffurfiau llwyfan ar y dyluniad goleuo
3. pwy sy’n gyfrifol am ddyluniadau a’r gofynion creadigol a thechnegol a sut byddwch yn cael eich hysbysu o unrhyw newidiadau i’r gofynion dylunio
4. sut i ddadansoddi gofynion y dyluniadau goleuo
5. egwyddorion darparu cynlluniau goleuo eglur gan ddefnyddio symbolau ac anodiadau safonol gan gynnwys y symbolau, y derminoleg a’r arferion a ddefnyddir ar gyfer darluniau a manylebau trydanol, mecanyddol neu electronig gan gynnwys rigio, systemau codi a gostwng ac awtomeiddio   
6. y derminoleg llwyfan megis cefn llwyfan, blaen llwyfan, chwith y llwyfan a dde’r llwyfan
7. y math o ddarluniau a ddefnyddir ar gyfer cynlluniau goleuo, sut maen nhw’n cydgysylltu, sut i echdynnu gwybodaeth ddimensiynol neu ystadegol ohonyn nhw a nodi meysydd sy’n aneglur neu’n anghyflawn
8. arferion a ddefnyddir i lunio cynlluniau goleuo a manylebau a rhestrau eraill gan gynnwys y defnydd o fesurwyr graddfa, dulliau darlunio gyda chymorth cyfrifiadur a delweddu 
9. nodweddion ffisegol golau a sut mae’r rhain yn cael eu rheoli o ran lliw, ongl, tanbeidrwydd, lledaeniad, ffocws a symudiad yn y lleoliadau ar gyfer y cynhyrchiad
10. rolau a chyfrifoldebau aelodau’r tîm creadigol a thechnegol a’r llinellau cyfathrebu
11. cyfyngiadau a therfynau amser cynhyrchu, ariannol ac adnoddau, paramedrau ansawdd y gwaith a’r hyblygrwydd ynghylch y cyfyngiadau y cytunwyd arnyn nhw
12. yr ystyriaethau o ran y ddeddfwriaeth, y gofynion sefydliadol a’r codau ymarfer wrth ddefnyddio deunyddiau, prosesau, technoleg a’r lleoliadau sydd ynghlwm a sut i gynnal asesiadau risg o gynlluniau goleuo ar gyfer staff a’r gynulleidfa
13. yr ystod o gyfarpar technegol sydd ar gael, eu defnydd, effeithiau, galluoedd, cryfderau a’u cyfyngiadau gan gynnwys twngsten ac LED 
14. sut i nodi gofynion adnoddau o gynlluniau goleuo
15. y fformiwlâu i gyfrifo llwyth trydanol, maint cywir ceblau llwytho gan gynnwys ystyriaeth ar gyfer gostyngiadau foltedd mewn rhediadau cebl
16. y terfynau cyfrifo llwyth llinol a wneir gan ddefnyddio fformiwlâu gan gynnwys cyfraith Ohm, a phryd i ofyn am gyngor arbenigol
17. sut i nodi a mynd i’r afael ag unrhyw ofynion daearu arbennig
18. rhesymau dros ystyried gwahanu camau
19. cyflenwadau gwifren tri cham pedwar gwifren gan gynnwys tri pholyn, niwtral a daear (TPNE)
20. hyd amlblecs digidol (DMX) gorau posibl a’r arfer synhwyrol yn ymwneud â rhediadau DMX
21. y rhesymau dros gydbwyso llwythi lle’n bosibl ar gyflenwad tri cham
22. pwysigrwydd storio cynlluniau goleuo’n ddiogel a sicrhau eu bod ar gael i’r rheiny sydd ynghlwm

---

---

---

---

---

---

---

---

---

---

3

---

2028

---

Ar hyn o bryd

---

Gwreiddiol

---

ScreenSkills

---

CCSTTL6

---

Technegydd Cynorthwyol, Technegydd, Goruchwyliwr Technegol, Rheolwr Technegol, Prif Dechnegydd, Technegydd Theatr, Technegydd Llwyfan, Technegydd Cynhyrchiad, Criw Technegydd, Technegydd Goleuo, Technegydd Clyweledol

---

---

cydlynydd agosatrwydd: creu cynnwys agos: gofynion agosatrwydd; cydsyniad; cymorth; risgiau;

---