Cydweithio â’r cynhyrchiad i weithredu a monitro llwyddiant datrysiadau cynaliadwy

Mae’r safon hon yn ymwneud â monitro datrysiadau cynaliadwyedd rydych chi’n eu gweithredu er mwyn gwerthuso eu heffaith. 

Bydd hyn yn golygu cydweithio gyda Phenaethiaid Adran ynghyd â chyflenwyr, gwerthwyr a chyfleusterau.

Mae’r safon hon ar gyfer y rheiny sy’n gweithio’n bennaf mewn rolau arweinwyr a rheolwyr Cynaliadwyedd ar gynhyrchiad. Gallai’r cydlynydd Cynaliadwyedd ymgymryd â rhai o’r tasgau fel arall yn dibynnu ar fath, maint a chyllideb y cynhyrchiad a maint y tîm cynaliadwyedd sydd wedi’u penodi.

---

1. cysylltu gyda’r timau perthnasol i wirio ymarferoldeb a chyflawnadwyedd y datrysiad cynaliadwyedd
2. cadarnhau’r gyllideb sydd ar gael ar gyfer unrhyw gostau sy’n ymwneud â chynaliadwyedd
3. cydweithio gyda’r adran gyllid i gytuno ar dempledi a modelau anfonebau a gofynion monitro cynaliadwyedd i gynorthwyo gyda chaffael data a chynorthwyo gyda safoni
4. ymchwilio a chynnig dewisiadau amgen pan nad ydy’r cynlluniau gwreiddiol yn ymarferol
5. monitro a chofnodi llwyddiant treialon a datrysiadau sydd wedi’u mabwysiadu
6. cymharu a chyferbynnu llwyddiant y datrysiadau a ddewiswyd
7. asesu a chyfathrebu effeithiau cadarnhaol ehangach y datrysiadau cynaliadwy
8. pennu mesurau i sicrhau cydymffurfiaeth gyda’r gofynion polisi, rheoleiddiol a sefydliadol a safonau’r diwydiant

---

1. sut i gyfrifo cost datrysiadau cynaliadwyedd a gweithio gan gadw at y gyllideb, er enghraifft trafod y gyllideb i symud gwariant o wariant tanwydd i logi cyfarpar carbon isel
2. pa ddata sydd angen ei gasglu a’r offer i’w fonitro megis cyfarpar, systemau telemetreg ac opsiynau  
3. sut i gyfathrebu gyda’r adran gyllid ar gyfer safoni
4. y systemau a’r offer a ddefnyddir gan y tîm cynhyrchu a’r tîm cyfrifon i olrhain a dosbarthu gwybodaeth
5. y dulliau a’r offer i fonitro a chofnodi llwyddiant y datrysiadau
6. sut i gymharu a chyferbynnu’r datrysiadau cynaliadwyedd a ddefnyddiwyd
7. sut i asesu arbedion carbon y datrysiadau cynaliadwyedd a ddefnyddiwyd
8. pwysigrwydd cyfathrebu effeithiau cadarnhaol ehangach y datrysiadau cynaliadwy er enghraifft defnyddio datrysiadau ynni Hybrid gan gynnwys Systemau Storio Ynni Batri
9. y gofynion polisi, rheoleiddiol a sefydliadol a safonau’r diwydiant

---

---

---

---

---

---

---

---

---

---

1

---

2027

---

Ar hyn o bryd

---

Gwreiddiol

---

ScreenSkills

---

SKSSP5

---

Arweinydd Cynaliadwyedd, rheolwr Cynaliadwyedd, ymgynghorydd Cynaliadwyedd, cydlynydd Cynaliadwyedd

---

---

cydweithio; gweithredu; monitro; llwyddiant; cynaliadwyedd; datrysiadau cynaliadwy; cynyrchiadau;

---