Datblygu cynlluniau cynaliadwyedd a chynnig datrysiadau

Mae’r safon hon yn ymwneud â datblygu cynlluniau cynaliadwyedd manwl a chynnig datrysiadau ar gynaliadwyedd o fewn y cynhyrchiad.

Bydd hyn yn golygu cysylltu gyda’r cynhyrchiad, y Penaethiaid Adran a thîm y cynhyrchiad i drafod a chwblhau cynlluniau a datrysiadau cynaliadwyedd ar gyfer y cynhyrchiad.

Mae’r safon hon ar gyfer y rheiny sy’n gweithio’n bennaf mewn rolau arweinwyr a rheolwyr Cynaliadwyedd ar gynhyrchiad. Gallai’r cydlynydd Cynaliadwyedd ymgymryd â rhai o’r tasgau fel arall yn dibynnu ar fath, maint a chyllideb y cynhyrchiad a maint y tîm cynaliadwyedd sydd wedi’u penodi.

---

1. cyfathrebu gyda’r Penaethiaid Adran i adolygu a chynllunio strategaethau datgarboneiddio a datrysiadau cynaliadwy
2. nodi pwyntiau arwyddocaol o’r sgript rhwng y gofynion creadigol a chynaliadwy ar y sgrin a thu ôl i’r sgrin  
3. ymchwilio a lleihau effeithiau posibl ar fioamrywiaeth
4. awgrymu diwygiadau neu ddatrysiadau cynaliadwyedd amgen ar gyfer y cynlluniau arfaethedig
5. cydweithio gydag arweinwyr y cynhyrchiad neu’r Penaethiaid Adran ar gynllunio a gweithredu cynaliadwyedd
6. cytuno ar a chwblhau’r cynllun cynaliadwyedd ar y cyd â’r arweinydd cynaliadwyedd perthnasol
7. diweddaru’r prif wneuthurwyr penderfyniadau ar y sut a’r pam o ran y datrysiadau cynaliadwyedd arfaethedig
8. cyflwyno’r cynllun i’r cynhyrchiad, y cast, y criw, y cyfranwyr a’r cyflenwyr
9. gofyn am adborth ac awgrymiadau ar y cynllun ar gyfer arferion cynaliadwy
10. mynychu’r cyfarfod cyn y cynhyrchiad ar gyfer y cast, y criw a’r cyfranwyr i dynnu sylw at y cynlluniau datgarboneiddio ar gyfer y cynhyrchiad
11. canfod cyfleoedd i ymgysylltu gyda’r cast, y criw a’r cyfranwyr ar y cynlluniau datgarboneiddio ar gyfer y cynhyrchiad
12. llunio cofnod gwyrdd i gyfathrebu’n bendant beth ydy’r prif nodau cynaliadwyedd ar gyfer y cynhyrchiad a beth yw cyfrifoldebau’r tîm
13. addasu’r cynlluniau cynaliadwyedd a chyfathrebu’r newidiadau i’r adrannau, y cast, y criw, y cyfranwyr a’r cyflenwyr
14. llunio a rhannu diweddariadau cynaliadwyedd gyda’r cast, y criw a’r cyfranwyr
15. pennu mesurau i sicrhau cydymffurfiaeth gyda’r gofynion polisi, rheoleiddiol a sefydliadol a safonau’r diwydiant

---

1. nodau, amcanion a chynlluniau’r cynhyrchiad gan gynnwys yr amserlen ffilmio a sut mae’r rhain yn rhyngweithio gyda’r cynlluniau cynaliadwyedd
2. sut i adnabod y pwyntiau arwyddocaol rhwng y gofynion creadigol a’r gofynion cynaliadwyedd ar y sgrin a thu ôl i’r sgrin
3. sut mae’r broses gynhyrchu’n gweithio
4. anghenion cynhyrchu’r holl adrannau ac effeithiau posibl arferion cynaliadwyedd ar eu gwaith
5. pwysigrwydd derbyn cytundeb a chymeradwyaeth gan y cynhyrchydd llinell a’r Penaethiaid Adran
6. sut i dderbyn cymeradwyaeth gan yr adrannau, y cast, y criw a’r cyfranwyr ar gyfer arferion cynaliadwy
7. y strategaethau i feithrin ymgysylltiad, gwella cymhelliant a datblygu diwylliant cynaliadwyedd cydweithredol yn fewnol ac yn allanol
8. y ddeddfwriaeth a’r polisïau lleol, rhanbarthol a chenedlaethol
9. pwysigrwydd y gadwyn gyflenwi
10. sut gellir rhoi prif egwyddorion cynaliadwyedd gan gynnwys ynni, deunyddiau, trafnidiaeth a bioamrywiaeth ar waith a sut dylai’r egwyddorion hyn lywio penderfyniadau prynu  
11. pwysigrwydd a manteision cyfathrebu’r diweddariadau cynaliadwyedd i ysgogi ymgysylltu, cyd-fynd â’r nodau cynaliadwyedd a hyrwyddo atebolrwydd
12. y mathau o ddiweddariadau cynaliadwyedd i’w rhannu gyda’r cast, y criw a’r cyfranwyr er enghraifft newyddlenni digidol, cofnodion ffurfiol, e-byst, negeseuon grwpiau WhatsApp
13. pwysigrwydd ymgysylltu gyda’r cast, y criw a’r cyfranwyr i ddarparu adborth ac awgrymiadau ar gyfer arferion cynaliadwy
14. y gofynion polisi, rheoleiddiol a sefydliadol a chanllawiau’r diwydiant

---

---

---

---

---

---

---

---

---

---

1

---

2027

---

Ar hyn o bryd

---

Gwreiddiol

---

ScreenSkills

---

SKSSP3

---

Arweinydd Cynaliadwyedd, rheolwr Cynaliadwyedd, ymgynghorydd Cynaliadwyedd, cydlynydd Cynaliadwyedd

---

---

datblygu; cynaliadwyedd; cynlluniau cynaliadwyedd; datrysiadau; cynyrchiadau;

---