Pennu’r gofynion cynaliadwyedd ar gyfer y cynhyrchiad

Mae’r safon hon yn ymwneud â dod i gytundeb ar, a dealltwriaeth ar y cyd o’r briff a nod creadigol y cynhyrchiad a nodi’r gofynion cynaliadwyedd sydd i’w bodloni yn ystod pob cam o’r broses gynhyrchu. Fel rhan o’ch rôl, bydd gofyn i chi ddeall y paramedrau o ran y gyllideb a’r costau, gan eu bod nhw’n berthnasol i gynaliadwyedd.

Mae angen i chi hefyd ddeall paramedrau’r cynhyrchiad a blaenoriaethu dylanwad ar feysydd lle mae allyriadau uchel, er enghraifft ynni, trafnidiaeth, deunyddiau, gwastraff a llety. 

Mae disgwyl i chi allu darparu gwybodaeth ar gyflenwyr cynaliadwy.

Bydd angen i chi gyfathrebu gyda’r Penaethiaid Adran, Rheolwr y Cynhyrchiad a neu’r Cynhyrchydd Llinell, yn dibynnu ar faint y cynhyrchiad; mae’n bosibl y byddwch hefyd yn cyfathrebu gyda’r rheolwyr Uned a’r Cyflenwyr. 

Mae’r safon hon ar gyfer y rheiny sy’n gweithio’n bennaf mewn rolau arweinwyr a rheolwyr Cynaliadwyedd ar gynhyrchiad. Gallai’r cydlynydd Cynaliadwyedd ymgymryd â rhai o’r tasgau fel arall yn dibynnu ar fath, maint a chyllideb y cynhyrchiad a maint y tîm cynaliadwyedd sydd wedi’u penodi.

---

1. dehongli a dadansoddi briff i nodi meysydd datgarboneiddio o fewn y cynhyrchiad gan ddwyn i ystyriaeth yr hyn nad yw’n agored i drafodaeth a’r hyn sy’n uchelgeisiol   
2. cyfathrebu gyda’r Penaethiaid Adran, a rheolwyr y Stiwdio a’r Cyfleuster ynghylch gofynion y briff
3. ymchwilio strategaethau datgarboneiddio posibl a lleihau effeithiau posibl ar fioamrywiaeth ac effeithiau ar y criw
4. rhoi’r ystyriaethau hyn ar waith gyda chamau gweithredu ar y sgrin ac oddi ar y sgrin, o fewn y paramedr golygyddol
5. awgrymu newidiadau i’r broses olygyddol i arddangos ymddygiad cynaliadwy ar y sgrin lle’n bosibl
6. mynychu’r rhagchwiliadau ar y cyd â’r adrannau perthnasol ac asesu anghenion y set a’r lleoliad fel y cytunwyd arnyn nhw
7. ymchwilio’r seilwaith a’r cyfleusterau arfaethedig ar gyfer y cynhyrchiad, gan ganolbwyntio ar sut y gellir integreiddio cynaliadwyedd yn effeithiol o ran eu cynllunio a’u defnyddio
8. gweithio gyda’r cynhyrchiad, y Penaethiaid Adran ac uwch arweinwyr y cynhyrchiad i nodi’r prif fentrau datgarboneiddio i’w rhoi ar waith gyda’r cynhyrchiad yn ei gyfanrwydd
9. gweithio gydag uwch arweinwyr y cynhyrchiad i lunio rhagolwg cychwynnol o’r allyriadau carbon yn unol â’r amserlen ffilmio
10. awgrymu camau gweithredu amgen i’r cynhyrchiad a’r rheiny sydd ynghlwm â goruchwylio cynaliadwyedd pan fydd cynigion gwreiddiol yn cael effaith carbon uchel ar y cynhyrchiad
11. cadarnhau a thrin a thrafod gyda’r cynhyrchiad sut gellir mynd i’r afael â’r gofynion cynaliadwyedd o fewn y gyllideb
12. gweithio gyda thîm y cynhyrchiad i ddyrannu cyllideb ar gyfer cynaliadwyedd
13. cefnogi dewis cyflenwyr, gwerthwyr a chyfleusterau gyda’r arbenigedd a’r cyfarpar gofynnol i fodloni’r gofynion cynaliadwyedd
14. cadarnhau a phennu gofynion dirwyn i ben a gwaredu gwastraff posibl a chylchrediad deunyddiau gan gynnwys celfi, setiau, gwisgoedd, cyfarpar ac asedau
15. adrodd am broblemau ac anawsterau i’r bobl berthnasol
16. pennu mesurau i sicrhau cydymffurfiaeth gyda’r gofynion polisi, rheoleiddiol a sefydliadol a chanllawiau’r diwydiant a chyfathrebu â’r gwneuthurwyr penderfyniadau pan fo angen cydymffurfio

---

1. pwy i gysylltu gyda nhw i gaffael briff y cynhyrchiad
2. sut mae’r broses gynhyrchu’n gweithio a hierarchaethau’r cynhyrchiad
3. y gwahanol raddfeydd a’r mathau o gynyrchiadau a’r heriau amgylcheddol penodol a’r cyfleoedd ar gyfer pob un
4. amserlen y cynhyrchiad a lle gellir rhoi datrysiadau cynaliadwy ar waith
5. pwysigrwydd deall a mynd i’r afael â’r tyndra rhwng y gofynion creadigol a’r gofynion cynaliadwy
6. anghenion cynhyrchu pob adran a sut i gydweithio gyda nhw
7. sut a pham mae pennu blaenoriaethau’n ategu eich rôl i ymgysylltu’r cynhyrchiad gyda’r nodau cynaliadwyedd
8. y materoldeb a’r blaenoriaethau ar gyfer datgarboneiddio a ffrydiau gwaith adfer natur
9. sut a ble i drin a thrafod cyfaddawdau a sut i gyfathrebu cyd-fuddion er enghraifft arbed amser, arian neu amgylchedd gwaith gwell
10. pwysigrwydd addysgu a dylanwadu gyda diplomyddiaeth wrth gyflawni eich rôl
11. y meysydd datgarboneiddio gan gynnwys ble mae lefelau uchel o garbon a meysydd allyriadau uchel  
12. sut i nodi’r meysydd allweddol a allai effeithio ar allyriadau, er enghraifft dyddiau yn y stiwdio a dyddiau ar leoliad, maint y criw, y dorf a’r ecstras
13. y prif fentrau i ddwyn i ystyriaeth ynni a phŵer dros dro, trafnidiaeth, deunyddiau, arlwyo, gwastraff a gwaredu, er enghraifft cyflenwad pŵer hybrid, arlwyo fegan a llysieuol, defnyddio cerbydau trydan   
14. sut i gynnal cymeradwyaeth uwch aelodau o staff gyda mentrau datgarboneiddio
15. y seilwaith a’r cyfleusterau sydd eu hangen ar gyfer safleoedd y cynhyrchiad a’r lleoliadau ffilmio er enghraifft gwefrwyr cerbydau trydan, cynlluniau lleol, polisïau ailgylchu
16. y defnydd o ddatrysiadau pŵer Hybrid gan gynnwys Systemau Storio Ynni Batri
17. yr economi gylchol a chylchrediad y gadwyn gyflenwi a’r cymunedau a’r sefydliadau lleol i’w cynnwys wrth gynllunio cylchrediad
18. y gwahanol offer ar gyfer rhagweld olion troed carbon a bodloni’r gyllideb garbon sydd wedi’i phennu ar gyfer y cynhyrchiad
19. y gofynion adrodd i gwblhau rhestr / datganiad nwyon tŷ gwydr sy’n bodloni gofynion adrodd ar lefel cynhyrchu
20. pwy ddylech chi eu hysbysu am broblemau neu anawsterau a phwy i dderbyn cymorth ganddyn nhw
21. y gofynion polisi, rheoleiddiol a sefydliadol a chanllawiau’r diwydiant

---

---

---

---

---

---

---

---

---

---

1

---

2027

---

Ar hyn o bryd

---

Gwreiddiol

---

ScreenSkills

---

SKSSP1

---

Arweinydd Cynaliadwyedd, rheolwr Cynaliadwyedd, ymgynghorydd Cynaliadwyedd, cydlynydd Cynaliadwyedd

---

---

pennu; cynaliadwyedd; gofynion cynaliadwyedd; cynyrchiadau;

---