Darparu cefnogaeth i berfformwyr, y cast a’r criw a rhai sy’n cyfrannu yn ystod cynnwys agos

Mae’r safon hon yn ymwneud â chefnogi perfformwyr wrth greu cynnwys agos a nodi unrhyw faterion a allai effeithio ar y perfformiwr a’u caniatâd parhaus i greu cynnwys agos. 

Mae’r safon hon hefyd yn ymwneud â gwirio a chadarnhau bod y cast, y criw a’r rhai sy’n cyfrannu yn deall eu rôl a’u rhan wrth greu cynnwys agos mewn cynhyrchiad a darparu cefnogaeth iddynt.

Bydd hyn yn cynnwys nodi unrhyw faterion a allai godi i’r rhai nad ydynt yn perfformio, monitro ymddygiad ar y set ac adrodd am unrhyw broblemau gyda hyn. 

Bydd hefyd yn cynnwys cadarnhau adnoddau, gan gynnwys deunyddiau a chefnogaeth broffesiynol a allai fod eu hangen er mwyn gallu creu cynnwys agos.

Mae’r safon hon ar gyfer cydlynwyr agosatrwydd.

---

1. gwirio gyda phob perfformiwr cyn mynd ar y set i sicrhau bod ffiniau mewn lle a’u bod yn cydsynio
2. asesu a allai fod angen unrhyw gymorth proffesiynol arall a gofyn am hyn
3. briffio’r cast, y criw a’r rhai sy’n cyfrannu ynglŷn â’r cynlluniau ar gyfer cynnwys agos
4. gwirio a chadarnhau bod y cast, y criw a’r rhai sy’n cyfrannu yn deall eu rôl o fewn y broses o greu cynnwys agos
5. trafod gyda’r tîm cynhyrchu ar ran aelodau’r cast, y criw a’r rhai sy’n cyfrannu os nad ydynt eisiau bod yn bresennol wrth greu cynnwys
6. cadarnhau y caiff yr adnoddau sydd eu hangen ar gyfer creu cynnwys agos eu paratoi a’u bod ar y set
7. cadarnhau paramedrau ar gyfer agosatrwydd gyda pherfformwyr ar y set
8. cadarnhau’r caniatâd y cytunwyd arno a’r lefel o agosatrwydd i’w bortreadu
9. cadarnhau a chyfathrebu bod protocolau set gaeedig ar waith
10. gwirio bod perfformwyr wedi paratoi ac yn barod i fwrw ymlaen gyda chreu cynnwys agos
11. darparu cefnogaeth ac arweiniad i berfformwyr ar symudiad a pherfformiad corfforol
12. awgrymu ffyrdd eraill o gwrdd â’r brîff creadigol a chynnal lefelau cydsynio’r perfformwyr yr un pryd
13. monitro ymddygiad y cast, y criw a’r rhai sy’n cyfrannu ar y set yn ystod golygfeydd lle caiff cynnwys agos ei greu ac ymateb i unrhyw bryderon gaiff eu hadrodd yn ôl yr angen
14. cydlynu bod y cast yn cael eu gorchuddio neu eu gwisgo rhwng ffilmio golygfeydd yn ôl yr angen
15. cynnal protocolau set gaeedig a gwiriadau cydsynio trwy gydol y perfformiad
16. cynnig a gweithredu dewisiadau dad-bortreadu addas ar gyfer y cast a’r criw yn ôl yr angen
17. cynnal cofnodion cytuno a chydsynio yn unol â deddfwriaeth diogelu data a pholisïau cynhyrchu

---

1. sut i drafod gofynion agosatrwydd gyda pherfformwyr
2. sut i gadarnhau’r lefelau noethni a nodwyd ac y cytunwyd arnynt
3. sut i nodi a chytuno ar yr adnoddau a’r cymorth a allai fod eu hangen o fewn amserlenni
4. sut i gyflwyno cynlluniau agosatrwydd i’r cast, y criw a’r rhai sy’n cyfrannu
5. sut i gadarnhau bod y cast, y criw a’r rhai sy’n cyfrannu yn deall y cynnwys agos sydd i’w greu
6. sut i drafod gyda’r cynhyrchiad os nad yw aelodau’r cast, y criw a’r rhai sy’n cyfrannu eisiau bod yn bresennol wrth greu cynnwys
7. elfennau cydsynio, sut cânt eu cyflwyno a sut maent yn ymwneud â chreu cynnwys agos
8. sut y gall deinameg pŵer sy’n bresennol wrth greu cynnwys agos effeithio ar allu perfformwyr i gydsynio
9. sut i fonitro ymddygiad y cast, y criw a’r rhai sy’n cyfrannu ar set, ymateb i unrhyw bryderon ac adrodd am unrhyw broblemau
10. beth yw cydsyniad parhaus a sut i’w gynnal
11. sut i gefnogi a dylunio symudiad agos
12. sut i ddarparu cefnogaeth ac arweiniad parhaus i berfformwyr ar y set
13. sut i greu a chynnal dogfennaeth gan gynnwys agosatrwydd dogfennaeth
14. pwysigrwydd setiau caeedig ar gyfer creu cynnwys agos
15. pwysigrwydd cydymffurfio â deddfwriaeth, rheoliadau a pholisïau cynhyrchu

---

Noethni a chynnwys agos 

1. Noethni llwyr: yn cynnwys noethni blaen llwyr, noethni cefn llwyr
2. Lled-noethni / Noethni rhannol: noethni uwchben y wast, noethni o dan y wast
3. Rhannau penodol ychwanegol artistiaid
4. Cyflwr dadwisgo
5. Noethni ymhlyg
6. Rhyw wedi’i efelychu
7. Rhyw ymhlyg
8. Corff dwbl
9. Noethni digidol
10. Cusanu

Adnoddau

1. Dillad gweddus
2. Merkin neu wig blew cedor
3. Rhwystrau
4. Gwallt, colur a phrosthetig
5. Propiau
6. Goleuadau neu offer arbenigol

Dogfennaeth IC

1. Asesiad risg agosatrwydd
2. Dadansoddiad agosatrwydd / Tracwyr
3. Nodiadau coreograffi
4. Nodiadau lefel cydsyniad
5. Memos y cast a’r criw
6. Nodiadau atodiad noethi/agosatrwydd
7. Adroddiadau dilynol
8. Adroddiadau cloi ‘wrap’
9. Cytundebau peidio â datgelu (NDAs)

Cymorth proffesiynol

1. Cydlynydd mynediad ac Ymgynghorydd anabledd
2. Hwylusydd lles
3. Meddyg
4. Cydlynydd styntiau
5. Bydwraig ymgynghorol
6. Ymgynghorydd Rhyw/Traws/LGBTQIA+
7. Ymgynghorydd BDSM/Ffetis
8. Ymgynghorydd diwylliannol
9. Ymgynghorydd hanesyddol
10. Hebryngwyr/Gwarchodwyr

---

---

---

---

---

---

---

---

---

1

---

2027

---

Ar hyn o bryd

---

Gwreiddiol

---

ScreenSkills

---

SKSIC7

---

Cydlynydd Agosatrwydd Arweiniol, Cydlynydd Agosatrwydd

---

---

cydlynydd agosatrwydd: creu cynnwys agos: gofynion agosatrwydd; cydsyniad; cymorth; risgiau;

---