Defnyddio cyfryngau cymdeithasol i gyfathrebu â chwsmeriaid mewn teithio a thwristiaeth
Trosolwg
Mae’r safon hon yn ymwneud â bod yn barod i ddefnyddio cyfryngau cymdeithasol i gyfathrebu â chwsmeriaid mewn teithio a thwristiaeth trwy blatfformau cyfryngau cymdeithasol a thrwy ddefnyddio cyfryngau cymdeithasol i fodloni cwsmeriaid trwy fodloni eu disgwyliadau.
Gall enw da eich brand neu’ch sefydliad gael ei effeithio’n uniongyrchol gan ryngweithio ar gyfryngau cymdeithasol, ac yn arbennig, y ffordd rydych yn delio ag ymatebion negyddol a materion sy’n datblygu’n rhai cyhoeddus.
Mae’r safon hon ar gyfer staff sy’n defnyddio platfformau cyfryngau cymdeithasol i gyfathrebu â chwsmeriaid mewn teithio a thwristiaeth.
Pan fyddwch chi wedi cwblhau’r safon hon, byddwch chi wedi dangos eich dealltwriaeth o’r canlynol, a’ch gallu i:
• Ddefnyddio cyfryngau cymdeithasol i gyfathrebu â chwsmeriaid mewn teithio a thwristiaeth
Meini prawf perfformiad
Mae'n rhaid eich bod chi'n gallu:
- Sganio cyfnewidiadau ar gyfryngau cymdeithasol i nodi diddordebau’r cwsmeriaid perthnasol a mesur barn y cyhoedd ar y cynhyrchion, y gwasanaethau a’r cyrchfannau teithio a thwristiaeth a gynigir gan eich sefydliad
- Ymateb i ymholiadau neu geisiadau uniongyrchol am wybodaeth yn gysylltiedig â theithio a thwristiaeth trwy gyfathrebu ar gyfryngau cymdeithasol gan ddilyn gweithdrefnau ac amseroedd ymateb sefydliadol
- Esbonio’r gwasanaethau neu’r cynhyrchion a gynigir gan eich sefydliad i gwsmeriaid trwy blatfformau cyfryngau cymdeithasol
- Cyflwyno delwedd broffesiynol yn unol â’r brand a gweithdrefnau eich sefydliad wrth ddefnyddio cyfryngau cymdeithasol i gyfathrebu â chwsmeriaid
- Dehongli anghenion cwsmeriaid oddi wrth dôn ac ymagwedd eu postiadau ar blatfformau cyfryngau cymdeithasol
- Ymateb i gyfathrebu cwsmeriaid ar blatfformau cyfryngau cymdeithasol mewn ffordd sy’n dangos eich bod yn deall eu hanghenion
- Dilyn confensiynau eich sefydliad a’r platfform cyfryngau cymdeithasol a ddewiswyd wrth gyfathrebu â chwsmeriaid
Gwybodaeth a Dealltwriaeth
You need to know and understand:
- Gweithdrefnau eich sefydliad ar gyfer cyfathrebu â chwsmeriaid mewn teithio a thwristiaeth trwy blatfformau cyfryngau cymdeithasol
- Y gwahanol fathau o blatfformau cyfryngau cymdeithasol a ddefnyddir gan eich sefydliad a’ch cwsmeriaid
- Y gwahanol ffyrdd o gyfleu gwybodaeth am wasanaethau cwsmeriaid teithio a thwristiaeth trwy blatfformau cyfryngau cymdeithasol
- Sut i chwilio mewn ffynonellau cyfryngau cymdeithasol am bostiadau gan gwsmeriaid teithio a thwristiaeth
- Sut gall sylwadau ar blatfformau cyfryngau cymdeithasol a graddiadau ar-lein effeithio ar y brand ac enw da eich sefydliad
- Sut i nodi diddordebau, ceisiadau ac anghenion cwsmeriaid o ran teithio a thwristiaeth o’u postiadau ar blatfformau cyfryngau cymdeithasol
- Pwysigrwydd dehongli anghenion teithio a thwristiaeth cwsmeriaid oddi wrth dôn ac ymagwedd eu postiadau ar blatfformau cyfryngau cymdeithasol
- Sut i ymateb i sylwadau cadarnhaol, diduedd a negyddol yn gysylltiedig â theithio a thwristiaeth gan gwsmeriaid ar blatfformau cyfryngau cymdeithasol
- Confensiynau eich sefydliad a’r platfformau cyfryngau cymdeithasol y mae eich cwsmeriaid yn dewis eu defnyddio
- Sut i ddefnyddio gosodiadau diogelwch i reoli mynediad at gyfnewidiadau gyda chwsmeriaid mewn teithio a thwristiaeth
- Sut i ddefnyddio cyfryngau cymdeithasol yn gyfrifol mewn teithio a thwristiaeth, gan gynnal enw da’r brand a’ch sefydliad bob amser
Cwmpas/ystod
Gallai’r brand fod yn gysylltiedig â’r canlynol:
a) Eich sefydliad
b) Cynhyrchion a gwasanaethau eich sefydliad
c) Cynhyrchion a gwasanaethau eich cyflenwyr