Sefydlu diddordeb cwsmeriaid mewn opsiynau cynaliadwy o ran teithio a thwristiaeth
Trosolwg
Mae’r safon hon yn ymwneud â hyrwyddo ymwybyddiaeth cwsmeriaid o opsiynau cynaliadwy o ran teithio a thwristiaeth, fel llety eco-gyfeillgar, ffurfiau cludiant amgen sy’n lleihau allyriadau carbon, twristiaeth gymunedol ac eco-dwristiaeth. Mae hyn yn cynnwys gallu canfod p’un a oes gan gwsmeriaid ddiddordeb mewn opsiynau cynaliadwy o ran teithio a thwristiaeth, trafod eu hanghenion, eu dymuniadau a’u hoffterau, a chymhwyso eich gwybodaeth i allu esbonio nodweddion allweddol a manteision yr opsiynau cynaliadwy sydd ar gael gan eich sefydliad, neu drwyddo, ac yn olaf, cadarnhau diddordeb cwsmeriaid mewn opsiynau cynaliadwy o ran teithio a thwristiaeth ar sail y wybodaeth rydych chi wedi’i darparu.
Nid yw’r safon hon yn cynnwys gwerthu’r opsiynau cynaliadwy o ran teithio a thwristiaeth, na phrosesu unrhyw fwciadau cysylltiedig.
Mae’r safon hon ar gyfer ymgynghorwyr teithio ac asiantaethau teithio ar gyfer teithio hamdden a busnes / corfforaethol.
Pan fyddwch chi wedi cwblhau’r safon hon, byddwch chi wedi dangos eich dealltwriaeth o’r canlynol, a’ch gallu i:
• Sefydlu diddordeb cwsmeriaid mewn opsiynau cynaliadwy o ran teithio a thwristiaeth
Meini prawf perfformiad
Mae'n rhaid eich bod chi'n gallu:
- Gofyn cwestiynau i sefydlu diddordeb cwsmeriaid mewn opsiynau cynaliadwy o ran teithio a thwristiaeth
- Cadarnhau a oes gan eich cwsmer ddiddordeb mewn archwilio opsiynau cynaliadwy o ran teithio a thwristiaeth
- Darparu opsiynau cynaliadwy o ran teithio a thwristiaeth sy’n adlewyrchu diddordebau posibl y cwsmeriaid ac esbonio’u nodweddion a’u manteision
- Cadarnhau gyda’r cwsmeriaid p’un a ydynt yn dymuno datblygu’r opsiynau cynaliadwy o ran teithio a thwristiaeth
Gwybodaeth a Dealltwriaeth
You need to know and understand:
- Ystyr cynaliadwyedd yn y diwydiant teithio a thwristiaeth a’r termau cyffredin a ddefnyddir mewn cysylltiad â’r math hwnnw o deithio a thwristiaeth
- Y mathau o opsiynau cynaliadwy o ran teithio a thwristiaeth, a’r amrywiaeth ohonynt
- Sut gall busnesau teithio a thwristiaeth gyfrannu’n gadarnhaol at gynaliadwyedd, e.e. lleihau neu wrthbwyso eu hôl-troed carbon
- Y gwobrau a’r mentrau sy’n cefnogi / hyrwyddo / cydnabod cynaliadwyedd mewn teithio a thwristiaeth
- Y mathau o dystysgrifau cynaliadwyedd mewn teithio a thwristiaeth, a’u hystyr
- Gwerth a manteision opsiynau cynaliadwy o ran teithio a thwristiaeth i bobl sy’n mynd ar wyliau, teithwyr busnes, economi’r Deyrnas Unedig a’r economi fyd-eang, yr amgylchedd a chyrchfannau a chymunedau
- Y rhesymau allweddol pam mae cwsmeriaid yn dymuno prynu / profi cynhyrchion a gwasanaethau cynaliadwy o ran teithio a thwristiaeth
- Y ffynonellau gwybodaeth sy’n gysylltiedig â chynhyrchion a gwasanaethau cynaliadwy a sut i gael mynediad atynt, eu defnyddio a’u dehongli
- Nodweddion a manteision ystod y cynhyrchion a’r gwasanaethau cynaliadwy a gynigir gan eich sefydliad, neu drwyddo
- Nodweddion a phwyntiau gwerthu gwahanol opsiynau cynaliadwy o ran teithio a thwristiaeth
- Polisïau a gweithdrefnau eich sefydliad yn gysylltiedig â hyrwyddo a gwerthu cynhyrchion a gwasanaethau cynaliadwy, a phwysigrwydd eu dilyn
- Sut i ddefnyddio technegau holi a sgiliau gwrando i nodi anghenion cwsmeriaid ar gyfer cynhyrchion a gwasanaethau cynaliadwy o ran teithio a thwristiaeth
- Sut i sefydlu perthynas wrth ddarparu opsiynau cynaliadwy o ran teithio a thwristiaeth ac esbonio’u nodweddion allweddol a’u manteision i gwsmeriaid
- Pwysigrwydd darparu gwybodaeth gywir a chyfoes am gynhyrchion cynaliadwy o ran teithio a thwristiaeth, a chanlyniadau posibl camddehongliadau yn ystod trafodaethau â chwsmeriaid
- Pryd a sut i uchafu cyfleoedd i ymestyn profiad y cwsmer
Cwmpas/ystod
Opsiynau cynaliadwy o ran teithio a thwristiaeth:
a) Cludiant
b) Llety
c) Atyniadau
ch) Diwylliant a Threftadaeth
d) Cymuned
dd) Bywyd Gwyllt a Natur
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
PPLTT01 Gwerthu cynhyrchion a gwasanaethau yn gysylltiedig â theithio
PPLTT02 Prosesu bwciadau gwasanaethau teithio