Casglu a dadansoddi adborth cwsmeriaid
Trosolwg
Mae adborth cwsmeriaid yn hanfodol i lwyddiant busnes. Ym mhob diwydiant gwasanaethau, mae angen i sefydliadau wybod sut mae eu cwsmeriaid yn teimlo am y gwasanaeth y maent wedi’i dderbyn. Yn y diwydiannau teithio a thwristiaeth, mae enw da yn seiliedig ar ymddiriedaeth ac yn cael ei ledaenu gan gwsmeriaid, felly mae mesurau i sicrhau eich bod yn gwybod beth mae cwsmeriaid yn ei feddwl yn hanfodol i helpu datrys unrhyw broblemau y gellir eu cywiro, a defnyddir adborth cadarnhaol i ymestyn enw da’r sefydliad.
Mae’r safon ar gyfer unrhyw staff sydd mewn cysylltiad uniongyrchol neu anuniongyrchol gyda chwsmeriaid. Mae hefyd yn berthnasol i reolwyr sydd efallai â chyfrifoldeb penodol am ddatblygu gwasanaethau, adnoddau dynol neu oruchwylio aelodau staff eraill sy’n darparu gwasanaethau.
Pan fyddwch chi wedi cwblhau’r safon hon, byddwch chi’n gallu dangos eich gwybodaeth am y canlynol, a’ch gallu i:
• Gasglu a dadansoddi adborth cwsmeriaid
Meini prawf perfformiad
Mae'n rhaid eich bod chi'n gallu:
- Casglu gwybodaeth am adborth cwsmeriaid
- Nodi gwybodaeth am adborth i’w dadansoddi
- Cynnal cydweithrediad cwsmeriaid trwy gydol y broses gasglu
- Defnyddio proses gasglu nad yw’n niweidio enw da’r sefydliad
- Cofnodi adborth yn unol â gweithdrefnau sefydliadol
- Cynnal cyfrinachedd gwybodaeth ac adborth cwsmeriaid
- Storio adborth yn unol â gofynion y sefydliad
- Dewis adborth i’w ddadansoddi sy’n gweddu i ddiben y gwerthusiad
- Dethol a chyfosod adborth i’w ddadansoddi
- Cyflwyno canlyniadau’r dadansoddiad yn brydlon ac yn unol â meini prawf gwerthuso
- Nodi a llenwi bylchau a chywiro diffygion yn y data i’w ddadansoddi, lle bo modd
- Gofyn am fwy o gymorth i wella cywirdeb y dadansoddi, yn ôl yr angen
Gwybodaeth a Dealltwriaeth
You need to know and understand:
- Y gwahanol ffyrdd i gael adborth gan gwsmeriaid
- Sut i nodi data allweddol a fydd yn diwallu anghenion y gwerthusiad
- Egwyddorion ymchwil cwsmeriaid
- Egwyddorion samplu cwsmeriaid i gael adborth
- Y mathau o gyfleoedd i droi at gwsmeriaid i gael adborth
- Y mathau o ddata adborth y gellir ei gael gan gwsmeriaid a dilysrwydd y math a ddewiswyd o ran diwallu anghenion gwerthuso
- Sut i ddewis y cyfleoedd adborth mwyaf defnyddiol a chynllunio casglu data
- Y ffactorau sy’n effeithio ar gasglu a dadansoddi data adborth cwsmeriaid
- Y cyfyngiadau amser, y gost a’r staffio sy’n effeithio ar gael adborth cwsmeriaid, a’i ddadansoddi
Cwmpas/ystod
Gwybodaeth am adborth:
a) meintiol
b) ansoddol
Proses gasglu:
a) wyneb yn wyneb
b) ffôn
c) negeseuon testun
ch) ap symudol
d) e-bost
dd) ar-lein
Cofnodir:
a) â llaw
b) yn electronig
Cwmpas Perfformiad
Gwybodaeth Cwmpas
Gwerthoedd
Ymddygiadau
- Dylech chi sefydlu a chynnal perthynas gynhyrchiol â chwsmeriaid sy’n rhoi adborth.