Goruchwylio gweithrediadau cynhyrchu bwyd

Mae’r safon hon yn ymwneud â goruchwylio cynhyrchu bwyd i sicrhau bod y cwsmer yn cael eu harcheb o fewn amser rhesymol ac yn unol â safonau ansawdd, ac mae’n debygol o gael ei defnyddio gan oruchwylydd sy’n gyfrifol am y gweithgareddau yn y maes gwaith yn ddyddiol, o dan gyfarwyddyd y rheolwr perthnasol.

Mewn sawl ffordd, mae cael y manylion yn gywir yn rhan hanfodol o wasanaeth cynhyrchu bwyd effeithlon. Mae angen i chi hoelio eich sylw personol ar wneud yn siŵr bod y camau cynhyrchu bwyd gwahanol yn dilyn deddfwriaeth a pholisïau sefydliadol perthnasol a’ch bod yn nodi ac yn darparu ar gyfer unrhyw beryglon posibl. Hefyd, mae angen i chi wneud yn siŵr bod eich staff yn deall eu rolau yn y broses a bod ganddynt y sgiliau a’r wybodaeth i’w cyflawni.

Mae’r safon yn ymwneud â’r meysydd allweddol sy’n bwysig i oruchwylio gwasanaeth cynhyrchu bwyd effeithiol.

Mae ymagwedd gyfannol at ddiogelwch bwyd yn agwedd hanfodol ar y briodwedd hon ac eir i’r afael â hyn yn fanwl yn Uned HSL30.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Oruchwylio gweithrediadau cynhyrchu bwyd

1. Cyflawni gwiriadau rheolaidd i sicrhau bod eich staff yn dilyn gweithdrefnau cynhyrchu bwyd wedi’u cynllunio, a’u cofnodi
2. Sicrhau bod y camau cynhyrchu bwyd yn cydymffurfio â gofynion cyfreithiol, rheoliadau’r diwydiant, codau proffesiynol a pholisïau sefydliadol perthnasol
3. Sicrhau bod staff yn gwybod beth a ddisgwylir ohonynt a bod ganddynt y sgiliau, yr adnoddau a’r wybodaeth sy’n ofynnol i gynhyrchu bwyd yn unol â’r safon ofynnol; annog staff i ofyn cwestiynau os oes gwybodaeth nad ydynt yn ei deall
4. Nodi risgiau posibl a rhoi gweithdrefnau ar waith i fodloni pwyntiau rheoli, gan ddilyn deddfwriaeth berthnasol a pholisi sefydliadol
5. Arwain trwy esiampl a briffio staff i chwilio am broblemau gyda’r pwyntiau rheoli a rhoi gwybod amdanynt
6. Monitro ansawdd gwaith a chynnydd yn erbyn cynlluniau a chymryd camau effeithiol i reoli problemau a all darfu ar weithrediadau cynhyrchu bwyd pan fyddant yn digwydd, gan ddarganfod ffyrdd ymarferol o oresgyn rhwystrau
7. Rheoli costau trwy sicrhau bod staff yn dilyn manylebau a gweithdrefnau cynhyrchu bwyd
8. Monitro ac adolygu gweithdrefnau cynhyrchu bwyd i sicrhau bod targedau’n cael eu cyflawni ac awgrymu ffyrdd o wella effeithlonrwydd
9. Casglu adborth a allai helpu i nodi unrhyw broblemau gyda gweithdrefnau
10. Rhoi adborth i staff i’w helpu i wella’u perfformiad, lle bo’n briodol
11. Defnyddio dulliau effeithiol i gasglu, storio ac adalw gwybodaeth, cwblhau’r cofnodion gofynnol yn gywir ac adrodd ar berfformiad i gefnogi cynhyrchu bwyd yn unol â’ch gweithdrefnau sefydliadol

1. Deddfwriaeth berthnasol a rheoliadau a chodau ymarfer eraill sy’n benodol i’r diwydiant
2. Gwahanol rolau a chyfrifoldebau pobl yn y maes rydych chi’n gyfrifol amdanynt ac mewn rhannau eraill o’r sefydliad sy’n berthnasol i gynhyrchu bwyd
3. Beth yw’r amserlenni cynhyrchu bwyd
4. Sut i drefnu eich tîm a rheoli eu hamser fel bod gweithrediadau cynhyrchu bwyd yn effeithlon
5. Pa sgiliau sy’n ofynnol i roi gweithdrefnau eich sefydliad ar gyfer cynhyrchu bwyd ar waith a sut mae’r rhain yn cymharu â’r sgiliau sydd ar gael i chi
6. Sut i amcangyfrif yr adnoddau y mae eu hangen arnoch ar gyfer gweithrediadau cynhyrchu bwyd a phwy i droi atynt i gael cymeradwyaeth ar gyfer adnoddau ychwanegol
7. Sut i symbylu staff i gyflawni’r safonau ansawdd gofynnol
8. Prif egwyddorion rheoli dognau a pham mae rheoli dognau yn hanfodol mewn gweithrediadau cynhyrchu bwyd
9. Sut i leihau gwastraff a gwneud y defnydd gorau o adnoddau sydd ar gael
10. Pryd mae’n briodol defnyddio cyfarwyddiadau neu arddangosiadau llafar neu ysgrifenedig, a lluniau/diagramau
11. Pam mae cyfrinachedd yn bwysig a sut i sicrhau bod gwybodaeth gyfrinachol yn ddiogel
12. Y fformat derbyniol ar gyfer cyflwyno a storio gwybodaeth yn y maes rydych chi’n gyfrifol amdano
13. Pam mae ansawdd yn bwysig i lwyddiant y weithred cynhyrchu bwyd a sut i asesu ansawdd eich gwaith eich hun a gwaith pobl eraill
14. Sut i fonitro gweithgareddau a pherfformiad yn erbyn safonau a thargedau sefydliadol, beth i’w wneud pan na fydd perfformiad yn cyfateb i safonau a thargedau a sut a phryd i ddarparu gwybodaeth i reolwyr
15. Sut i roi adborth i’ch staff i’w helpu i wella’u perfformiad

Mae dulliau effeithiol ar gyfer casglu, storio ac adalw gwybodaeth yn cynnwys dulliau cost effeithiol, amser effeithiol a moesegol.
Mae gwybodaeth yn cynnwys gwybodaeth gan gwsmeriaid a staff.

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n amddiffyn eich gwaith eich hun a gwaith pobl eraill rhag effeithiau negyddol
2. Rydych chi’n ymfalchïo mewn gwaith cywir, o ansawdd uchel
3. Rydych chi’n hoelio sylw personol ar fanylion penodol sy’n hollbwysig i gyflawni canlyniadau llwyddiannus
4. Rydych chi’n nodi goblygiadau neu ganlyniadau sefyllfa
5. Rydych chi’n effro i beryglon posibl
6. Rydych chi’n cytuno’n glir ar yr hyn sydd i’w ddisgwyl gan bobl eraill ac yn eu dwyn i gyfrif
7. Rydych chi’n cadw gwybodaeth gyfrinachol yn ddiogel
8. Rydych chi’n annog pobl eraill i rannu gwybodaeth yn effeithlon, o fewn cyfyngiadau cyfrinachedd

Argymhellir yn gryf fod HSL30, sy’n ymdrin â hylendid a diogelwch bwyd wrth baratoi a gweini bwyd a diod, yn cael ei astudio ar y cyd â’r safon hon.
Mae’r safon hon yn safon penodol i sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:

1. HSL1-5
2. HSL9
3. HSL12
4. HSL16
5. HSL19
6. HSL25
7. HSL28