Hel prydau at ei gilydd i’w dosbarthu trwy felt cludo

Mae’r safon hon yn ymwneud â pharatoi’r belt cludo a chyfarpar gweini a hel eitemau bwyd/diod at ei gilydd. Hefyd, mae’n delio â chyflwyno’r bwyd ar hambyrddau a chynnal lefelau stoc yn ystod y broses.

Mae’r safon hon yn canolbwyntio ar y wybodaeth a’r sgiliau technegol y mae eu hangen i hel prydau at ei gilydd i’w dosbarthu trwy felt cludo; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Hel prydau at ei gilydd i’w dosbarthu trwy felt cludo

1. Gwirio bod y belt cludo yn lân, heb ddifrod ac yn barod i’w ddefnyddio
2. Sicrhau bod cyfarpar gweini yn lân, heb ddifrod ac wedi’i leoli’n gywir yn barod i’w ddefnyddio
3. Hel digon o stoc at ei gilydd i redeg y belt a’i storio yn unol â gofynion diogelwch bwyd perthnasol
4. Dewis y fwydlen gywir i’w harddangos, yn barod i’w defnyddio
5. Rhoi’r nifer a’r math o gyfarpar gweini bwyd, cytleri a phupur a halen/sawsiau ar yr hambyrddau
6. Sicrhau bod yr hambyrddau’n bodloni manyleb y fwydlen yn llawn
7. Cyflwyno bwyd yn gywir ar y platiau/cynwysyddion bwyd
8. Cynnal lefelau stoc a chyfarpar gweini wrth i’r belt redeg
9. Gwrthod unrhyw hambyrddau nad ydynt yn bodloni manyleb y fwydlen, a rhoi gwybod amdanynt i’r person cywir
10. Gosod yr hambwrdd ar y troli cywir i’w gludo
11. Cludo troliau bwyd yn ddiogel i’r man priodol i’w dosbarthu
12. Storio unrhyw eitemau stoc dros ben yn gywir ac yn ddiogel

1. Arferion gweithio diogel a hylan ar gyfer paratoi’r belt cludo yn barod i’w ddefnyddio a pham mae’r rhain yn bwysig
2. Pam mae’n rhaid trin a gwaredu gwastraff yn gywir
3. Sut i gyflawni gwiriadau rheoli tymheredd bwyd a pham mae’r gwiriadau hyn yn bwysig
4. Sut i lanhau’r belt cludo yn barod i’w ddefnyddio
5. Pam dylid cynnal stoc gyson o eitemau gweini bwyd
6. Y mathau o broblemau a all ddigwydd pan fyddwch chi’n paratoi’r belt cludo a sut i ddelio â’r rhain
7. Arferion gweithio diogel a hylan ar gyfer hel setiau hambyrddau at ei gilydd ar y belt cludo a pham mae’r rhain yn bwysig
8. Sut i roi gwybod am namau ar y cyfarpar
9. Sut i weithredu peiriant y belt cludo
10. Beth yw’r gofynion cynhyrchu (nifer y prydau a’r mathau o bryd) ar gyfer y sesiwn
11. Sut i ddehongli manylebau ar gyfer y drefn ar hambyrddau, bwydlenni ac amrywiadau prydau arbennig
12. Y mathau o broblemau a all ddigwydd pan fyddwch chi’n hel prydau at ei gilydd a’u cyflwyno, a sut i ddelio â’r rhain

1 Cyfarpar gweini
1.1 bain marie
1.2 troliau
1.3 teclynnau gweini
1.4 hambyrddau
1.5 llestri
1.6 cytleri
1.7 napcynnau

2 Stoc
2.1 eitemau bwyd
2.2 eitemau diod
2.3 halen a phupur/sawsiau
2.4 cyfwydydd

Cytleri
Tafladwy a rhai sy’n cael eu hailddefnyddio

Llestri
Tafladwy a rhai sy’n cael eu hailddefnyddio

Napcynau
Tafladwy a rhai sy’n cael eu hailddefnyddio

Cyfwydydd
Er enghraifft, eitemau bara