Gwerthuso marchnadoedd ar gyfer gwerthu cynhyrchion a gwasanaethau coedwig a choetir

Mae’r safon hon yn ymwneud â’r gweithgareddau sy’n ofynnol i werthuso marchnadoedd ar gyfer gwerthu cynhyrchion a gwasanaethau coedwig a choetir.

Gall cynhyrchion gynnwys eitemau pren ac eitemau eraill fel llystyfiant, hadau a chonau, mwsogl a rhisgl. Gallai gwasanaethau gynnwys cyfleusterau hamdden neu chwaraeon.

Mae’n cynnwys ymchwilio i farchnadoedd a nodi’r galw am gynhyrchion a gwasanaethau pren a chynhyrchion a gwasanaethau eraill.

1. cael y wybodaeth berthnasol i gyflawni’r gweithgareddau gwaith yn unol â gweithdrefnau sefydliadol
2. ymchwilio i farchnadoedd posibl ar gyfer gwerthu cynhyrchion a gwasanaethau coedwig a choetir, a’u gwerthuso
3. asesu addasrwydd cynhyrchion a gwasanaethau coedwig a choetir i fodloni gofynion y farchnad
4. penderfynu ar fanyleb a meintiau pob cynnyrch fydd yn cael ei werthu
5. meintioli a gosod gwerth y cynhyrchion i’w gwerthu
6. penderfynu ar y dull gwerthu a’r pwynt gwerthu yn ôl gofynion eich sefydliad
7. cael yr adenillion gorau ar gyfer pob cynnyrch a gwasanaeth sydd ar gael yn unol â pholisïau eich sefydliad
8. cwblhau a storio’r holl ddogfennaeth berthnasol yn unol â gofynion cyfreithiol a sefydliadol

1. sut i nodi a chael at wybodaeth sy’n berthnasol i’r gwaith gofynnol
2. pam ddylai marchnadoedd posibl gael eu gwerthuso a chanlyniadau peidio â gwneud hynny
3. y ffactorau byd-eang sy’n dylanwadu ac yn effeithio ar y diwydiant
4. y ffactorau a all effeithio ar addasrwydd marchnadoedd
5. gwerthoedd gwahanol gynhyrchion a gwasanaethau coetir ar y farchnad
6. sut gellir defnyddio tystiolaeth hanesyddol
7. sut i ymchwilio i ofynion a chyfyngiadau’r farchnad
8. sut i ddehongli manyleb cynnyrch
9. y cyfyngiadau gweithredol posibl a all fodoli
10. y gwahanol ddulliau gwerthu ar gyfer cynhyrchion a gwasanaethau coedwig a choetir
11. sut i gynhyrchu amcangyfrifon o’r gwariant sy’n ofynnol i ennill incwm
12. prisiau presennol y farchnad ar gyfer amrywiol gynhyrchion a gwasanaethau coedwig a choetir
13. sut i gael at gromliniau maint prisiau a’u dehongli
14. goblygiadau amseru a grwpio gwerthiannau i gyflawni’r effaith fwyaf
15. sut i werthuso a gweithredu dewisiadau contract
16. marchnadoedd sydd ar gael a natur dymhorol marchnadoedd
17. y gofynion cyfreithiol a sefydliadol ar gyfer cwblhau a storio dogfennaeth

Penderfynu ar fanyleb a meintiau pob cynnyrch:

• amser cyflenwi
• manylebau cynhyrchion
• tystiolaeth hanesyddol

Meintioli a gosod gwerth y cynhyrchion:

• cost cynhyrchu
• cludo
• dibynadwyedd y farchnad

Cael yr adenillion gorau trwy:

• osod y pris a phris cadw
• dewis y dull hyrwyddo
• dewis y dull gwerthu
• dewis y pwynt gwerthu
• amseru a grwpio’r gwerthu

Dewisiadau contract – contractau tymor byr, canolig a hir, contractau cyfnod, ac ati

Dylanwadau byd-eang – cyfraddau cyfnewid, galw byd-eang, trawsfudo clefydau, y newid yn yr hinsawdd

Gallai gwybodaeth sy’n ofynnol i gyflawni gweithgareddau gwaith gynnwys:

• lluniadau
• cynlluniau
• amserlenni
• manylebau
• datganiadau dull
• Gweithdrefnau Gweithredu Safonol (SOPs)
• cyfarwyddiadau’r gwneuthurwr
• gofynion y cwsmer
• gofynion sicrhau ansawdd
• safonau’r diwydiant (e.e. Safonau Prydeinig)
• cyfarwyddiadau ar lafar neu yn ysgrifenedig
• canllawiau’r diwydiant (e.e. FISA)

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

Cynhyrchion a gwasanaethau eraill – llystyfiant, hadau a chonau, mwsogl, rhisgl, cyfleusterau hamdden a chyfleusterau chwaraeon