Atal digwyddiadau llygredd a’u rheoli

Mae’r safon hon yn ymwneud â’r gweithgareddau sy’n ofynnol i atal digwyddiadau llygredd ar safle a’u rheoli. Gallai llygredd gynnwys olew, tanwydd, cemegion a llygredd gwasgaredig wedi’i achosi gan weithrediadau gwaith coed.

Mae atal llygredd a’i reoli yn ofyniad cyfreithiol a dylai gael ei gynllunio cyn bod gwaith yn dechrau.

Gall amrywiaeth o gamau gael eu rheoli ar waith i atal llygredd rhag digwydd ac i reoli effaith digwyddiadau damweiniol.

Wrth weithio gyda chyfarpar, peiriannau a chemegion, mae’n rhaid eich bod wedi’ch hyfforddi’n briodol a rhaid bod gennych ardystiad cyfredol, lle bo angen, yn unol â’r ddeddfwriaeth berthnasol.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol, gan gynnwys y gofyniad eich bod yn cysylltu ag awdurdodau rheoleiddio dŵr ynghylch digwyddiadau llygredd.

---

1. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
2. asesu’r risgiau sy’n gysylltiedig â’r safle a’r mathau o ddigwyddiadau llygredd a allai ddigwydd
3. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
4. nodi natur, graddau ac effaith bosibl digwyddiadau llygredd
5. cadarnhau eich bod wedi cael hyfforddiant perthnasol ar atal digwyddiadau llygredd a’u rheoli a bod ardystiad yn ei le i weithredu peiriannau, lle bo angen
6. rhoi mesurau atal ar waith yn unol â’r math o lygredd a gwybodaeth berthnasol
7. monitro a chynnal mesurau atal i sicrhau eu bod yn parhau i fod yn effeithiol a rhoi gwybod am unrhyw broblemau yn unol â gweithdrefnau sefydliadol
8. rhoi gwybod i’r asiantaethau perthnasol am ddigwyddiadau llygredd yn unol â gofynion cyfreithiol a gweithdrefnau sefydliadol
9. dewis mesurau rheoli priodol yn unol â’r risgiau a aseswyd a’r math o ddigwyddiad llygredd
10. ystyried yr effaith amgylcheddol wrth ddewis mesurau rheoli
11. defnyddio dulliau priodol i gyfathrebu’n effeithiol â chydweithwyr, asiantaethau eraill ac unrhyw un arall sy’n ymwneud â’r digwyddiad llygredd, neu y mae’r digwyddiad llygredd yn effeithio arnynt, yn unol â chanllawiau’r diwydiant a gweithdrefnau sefydliadol
12. dewis, paratoi, defnyddio, cynnal a chadw a storio’r cyfarpar a’r peiriannau sy’n cael eu defnyddio i reoli’r llygredd yn ddiogel, yn unol â’r gofynion cyfreithiol perthnasol a chyfarwyddiadau’r gwneuthurwr
13. delio â’r digwyddiad llygredd gan ddefnyddio’r mesurau rheoli mwyaf priodol, gan ddilyn y gweithdrefnau rheoli llygredd cytunedig
14. delio â sylweddau peryglus yn unol â’r gofynion cyfreithiol perthnasol a chyfarwyddiadau’r gwneuthurwr
15. nodi unrhyw newidiadau i raddfa neu natur y digwyddiad a rhoi gwybod i'r person dynodedig am y newidiadau hyn
16. cadarnhau bod y gofynion amgylcheddol deddfwriaethol a sefydliadol perthnasol yn cael eu bodloni
17. gwaredu deunyddiau rheoli llygredd a ddefnyddiwyd yn unol â’r gofynion cyfreithiol perthnasol a gweithdrefnau sefydliadol
18. delio’n effeithiol â phroblemau sy’n codi o fewn cwmpas a chyfyngiadau eich cyfrifoldeb a rhoi gwybod am broblemau na ellir eu datrys, yn unol â gweithdrefnau sefydliadol
19. cwblhau a storio cofnodion o’r digwyddiad llygredd yn unol â gofynion cyfreithiol a gweithdrefnau sefydliadol perthnasol

---

1. sut i nodi peryglon ac asesu risgiau’n gysylltiedig â’r safle a’r math o ddigwyddiad llygredd a allai ddigwydd
2. y gweithdrefnau iechyd a diogelwch a’r Systemau Gweithio Diogel perthnasol
3. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
4. effaith tanwyddau, olewau, cemegion a llygredd gwasgaredig a’r camau y gellir eu cymryd i atal digwyddiadau llygredd
5. y cosbau y gellid eu hwynebu am achosi llygredd
6. goblygiadau tirwedd, amodau’r ddaear, math o lystyfiant, y tymor a’r tywydd i ddigwyddiadau llygredd
7. pwy sydd angen cael gwybod am ddigwyddiad llygredd a sut dylai hyn gael ei wneud
8. y gadwyn reoli a rolau personél mewn digwyddiad llygredd
9. y camau y gellir eu cymryd i reoli digwyddiadau llygredd
10. gofynion cyfreithiol, y diwydiant a sefydliadol am hyfforddiant ac ardystiad i wneud y gweithgareddau gwaith gofynnol
11. pam mae’n bwysig cyfathrebu’n effeithiol â chydweithwyr, asiantaethau eraill ac unrhyw un arall sy’n cymryd rhan yn y digwyddiad llygredd, neu y mae’r digwyddiad llygredd yn effeithio arnynt, a’r dulliau cyfathrebu ddylai gael eu defnyddio
12. dewis a defnyddio cyfarpar diogelu personol (PPE), a gofalu amdano
13. y cyfarpar a’r peiriannau y gellir eu defnyddio i helpu rheoli digwyddiadau llygredd
14. y gofynion ar gyfer trin sylweddau peryglus yn unol â’r gofynion cyfreithiol perthnasol a chyfarwyddiadau’r gwneuthurwr
15. y dulliau cywir ar gyfer gwaredu deunyddiau rheoli llygredd
16. pwysigrwydd gwirio pa mor dda mae’r camau rheoli llygredd wedi gweithio
17. y problemau a all godi wrth reoli digwyddiadau llygredd, y camau i’w cymryd a’r gweithdrefnau sefydliadol ar gyfer rhoi gwybod am broblemau na ellir eu datrys
18. cwmpas a chyfyngiadau eich cymhwysedd, eich cyfrifoldebau a’ch atebolrwydd
19. pwysigrwydd cwblhau cofnodion o’r digwyddiad a’r camau rheoli a gymerwyd, yn unol â’r gofynion cyfreithiol perthnasol a gweithdrefnau sefydliadol

---

---

---

Atal a rheoli’r mathau canlynol o lygryddion:

• olewau a thanwyddau
• cemegion
• llygredd gwasgaredig

---

---

---

---

Mae llygredd gwasgaredig mewn gwaith coed yn cynnwys: baw a silt, tameidiau bach o danwydd, olew neu lygryddion eraill a ollyngwyd sy’n cael eu rhyddhau i gwrs dŵr naturiol

Gallai gwybodaeth sy’n ofynnol i gyflawni gweithgareddau gwaith gynnwys:

• lluniadau
• cynlluniau
• amserlenni
• manylebau
• datganiadau dull
• Gweithdrefnau Gweithredu Safonol (SOPs)
• canllawiau’r gwneuthurwr
• gofynion y cwsmer
• gofynion sicrhau ansawdd
• safonau’r diwydiant (e.e. Safonau Prydeinig)
• cyfarwyddiadau ar lafar neu yn ysgrifenedig
• canllawiau’r diwydiant (e.e. FISA)

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

Gall camau atal llygredd gynnwys:

• lleiniau clustogi
• ffosydd rhwystr
• trapiau silt
• ffensys silt
• parthau hidlo
• pibellau draenio ddŵr
• matiau tocion
• ffyrdd boncyffion
• pontydd boncyff
• storio tanwydd, olew a chemegion yn gywir
• ardaloedd dynodedig ar gyfer ailgyflenwi tanwydd a chynnal a chadw
• archwilio a chynnal a chadw peiriannau yn rheolaidd i atal olew a hylif hydrolig rhag gollwng

Gall camau rheoli llygredd gynnwys:

• trawstiau rhwystro
• deunyddiau amsugnol ar gyfer llygryddion sy’n cael eu cludo ar arwyneb
• chwistrelli dŵr cyfaint isel, pwysedd uchel

---

---

---

3

---

2029

---

Ar hyn o bryd

---

Gwreiddiol

---

Lantra

---

LANTw2

---

Coedyddiaeth a choedwigaeth, Garddwriaeth, Gweithredwyr llif gadwyn a pheiriannau coedwigaeth

---

5119

---

llygredd; tanwydd; rheoli; amgylchedd; gollyngiad

---