Dylunio a chynllunio coedwig neu goetir

Mae’r safon hon yn ymwneud â’r gweithgareddau sy’n ofynnol i ddylunio a chynllunio coedwig neu goetir. Gall hyn fod trwy ddiwygio neu edrych eto ar gynlluniau presennol, creu ardal goedwig neu goetir newydd neu ddylunio rhan o brosiect datblygu cymunedol.

Mae’r safon yn ymwneud â dylunio a chynllunio sefydlu coed ar ddarn o dir penodol, gan gyfrif am ofynion a chyfyngiadau daearyddol, ariannol, cyfreithiol ac ymarferol.

Bydd angen i chi ystyried unrhyw gyfyngiadau sy’n effeithio ar y gwaith, e.e. safleoedd dynodedig, presenoldeb strwythurau rhestredig, bywyd gwyllt, rhywogaethau estron goresgynnol neu rywogaethau gwarchodedig, ac ati.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

1. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
2. asesu’r risgiau sy’n gysylltiedig â’r safle wrth gynnal arolwg o safle yn unol â gweithdrefnau sefydliadol
3. cadarnhau diben, cwmpas ac amcanion datblygiad y goedwig neu’r coetir
4. gwirio unrhyw ddynodiadau neu ofynion statudol sydd ar waith a allai atal neu osod amodau ar y gwaith i'w gyflawni a chysylltu â’r corff statudol perthnasol i gael cydsyniad ffurfiol
5. gwirio a oes angen Asesiad o’r Effaith Amgylcheddol
6. dod o hyd i wybodaeth cynllunio a gofynion rheoleiddiol yn gysylltiedig â datblygu coedwig neu goetir
7. cynnal arolwg o’r safle i ddarparu gwybodaeth allweddol i gynllun y goedwig neu’r coetir
8. casglu a choladu data’r safle ynghylch unrhyw nodweddion arwyddocaol
9. dehongli mapiau a dadansoddi data’r safle
10. nodi ac ymgysylltu â’r rhanddeiliaid allweddol a’r gymuned leol
11. ystyried effaith amgylcheddol datblygiad arfaethedig y goedwig neu’r coetir
12. asesu addasrwydd ffisegol y safle i ddatblygu coedwig neu goetir
13. datblygu dyluniad ar gyfer y goedwig neu’r coetir ar sail amcanion rheoli a gwybodaeth am y safle
14. cadarnhau bod y dyluniad yn cyfrif am yr ystyriaethau cyfreithiol perthnasol, canfyddiadau arolwg y safle a’r asesiad o’r effaith amgylcheddol, ymgysylltu â rhanddeiliaid, cyfyngiadau ariannol, y defnydd cynaliadwy o’r safle a goblygiadau rheoli yn y dyfodol
15. cadarnhau ei fod yn cydymffurfio â fersiwn cyfredol Safon Coedwig y DU (UKFS)
16. datblygu cynlluniau ar gyfer y gweithgareddau sy’n ofynnol i roi’r dyluniad ar waith
17. cynhyrchu costiadau ar gyfer y cynlluniau, gan gynnwys costau cychwynnol a chostau gweithredu parhaus, ffrydiau incwm, grantiau neu ffynonellau cyllid posibl
18. cyflwyno’r dyluniad a’r cynlluniau i’r person neu’r awdurdod perthnasol a chytuno ar unrhyw ddiwygiadau sy’n ofynnol
19. cwblhau a storio’r holl ddogfennaeth berthnasol yn unol â gofynion cyfreithiol a sefydliadol

1. sut i nodi peryglon ac asesu’r risgiau sy’n gysylltiedig â gwneud arolwg o’r safle a’r gweithdrefnau iechyd a diogelwch a’r Systemau Gweithio Diogel perthnasol – gan gynnwys gweithio ar eich pen eich hun, lle y bo’n briodol
2. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
3. diben, cwmpas ac amcanion datblygu’r goedwig neu’r coetir
4. y system dynodiadau statudol bresennol, gan gynnwys dynodiadau bioamrywiaeth, tirwedd a threftadaeth, a sut maent yn effeithio ar gynllunio dylunio coedwig neu goetir
5. sut i ddod o hyd i wybodaeth cynllunio a rheoleiddio yn gysylltiedig â datblygu coedwig neu goetir
6. amrywiaeth o dechnegau arolwg a dulliau casglu data a sut i ddefnyddio’r rhain, gan gynnwys ffynonellau data sylfaenol ac eilaidd
7. sut i ddehongli mapiau a defnyddio System Gwybodaeth Fyd-eang (GIS) i gynorthwyo â chynllunio
8. pwysigrwydd nodi ac ymgynghori â’r holl randdeiliaid a’r gymuned leol, a sut gellir gwneud hyn
9. egwyddorion dylunio tirwedd yng nghyd-destun coedwig neu goetir
10. elfennau dyluniad coedwig neu goetir sy’n gydnaws mewn tirwedd hanesyddol
11. effaith plannu’r goedwig neu’r coetir ar yr ecoleg bresennol a’r tir cyfagos
12. egwyddorion adfywio a dad-ddofi tir
13. ystyriaethau mynediad i’r cyhoedd
14. sut i bennu nodweddion safle a all effeithio ar ddewisiadau rheoli wrth ddylunio a chynllunio coedwig neu goetir
15. pwysigrwydd ystyried effaith amgylcheddol y goedwig neu’r coetir arfaethedig
16. sut i annog cynaliadwyedd y safle
17. sut i ddatblygu cynlluniau ac amserlenni i weithredu’r dyluniadau
18. y costau sy’n gysylltiedig â sefydlu’r goedwig neu’r coetir
19. y ffynonellau gwybodaeth am grantiau neu gymhellion ariannol eraill
20. dulliau cyflwyno a chyfleu’r dyluniad a’r cynlluniau
21. sut mae eich cynigion yn cydymffurfio â gofynion Safon Coedwig y DU (UKFS)
22. sut i drafod a chael cytundeb ar gyfer y dyluniad a’r cynlluniau a’r prosesau sy’n gysylltiedig
23. y gofynion cyfreithiol a sefydliadol ar gyfer cwblhau a storio dogfennaeth

Mathau o safle:

• safle iseldir
• safle ucheldir
• safle diwydiannol
• safle coedwig neu goetir hynafol
• safle amaethyddol
• safle trefol

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.

Nodweddion arwyddocaol:

• math o gynefin
• mynediad i’r safle
• priddoedd, draenio
• ffynonellau dŵr
• agweddau hanesyddol, gan gynnwys defnydd yn y gorffennol
• fflora ar lawr, rhywogaethau trechol ac unrhyw rywogaethau a warchodir neu rywogaethau
• goresgynnol
• ffawna, yn enwedig unrhyw rywogaethau prin neu nodedig
• gofyniad am reoli ceirw
• nodweddion archaeolegol
• unrhyw nodweddion arwyddocaol eraill
• gwerth amgylcheddol, cymdeithasol ac economaidd y safle

Gallai rhanddeiliaid gynnwys:

• cymdogion
• awdurdod lleol
• cyrff statudol
• defnyddwyr hamdden y safle
• partïon eraill â budd

LANCS39 Cynnal asesiadau safle yn y sector diwydiannau’r tir ac amgylcheddol
LANEnC5 Dadansoddi data o arolygon maes ac adrodd ar y canfyddiadau
LANCS40 Gwerthuso opsiynau ar gyfer datblygu safleoedd yn y sector diwydiannau’r tir ac amgylcheddol
LANTw63 Datblygu cynllun rheoli coetir