Paratoi a chynnal safle gweithio diogel ar gyfer gweithrediadau gwaith coed

Mae’r safon hon yn ymwneud â’r holl weithgareddau sy’n ofynnol i baratoi a chynnal safle gweithio diogel ar gyfer gweithrediadau gwaith coed.

Gallech fod yn gweithio yn unol â manyleb a roddwyd sy’n diffinio’r dulliau i’w defnyddio, ond bydd disgwyl i chi benderfynu sut i gyflawni’r dulliau hyn ar y safle.

Bydd angen i chi ystyried unrhyw gyfyngiadau sy’n effeithio ar y gwaith e.e. safleoedd dynodedig, presenoldeb strwythurau rhestredig, bywyd gwyllt, rhywogaethau estron goresgynnol neu rywogaethau gwarchodedig, ac ati.

Mae’n ofynnol i chi osgoi neu leihau difrod i, neu darfu ar, yr ardal gyfagos, gan gynnwys coed, llystyfiant arall, bywyd gwyllt a chynefinoedd, neu i unrhyw strwythurau, ffensys, llwybrau, arwyddion, ffosydd/dyfrffyrdd neu ddraeniau, i sicrhau nad yw eich gwaith yn peri risg i ddefnyddwyr eraill y safle.

O dan y ddeddfwriaeth berthnasol, mae angen i berson cymwysedig oruchwylio unrhyw un sy’n cymryd rhan mewn gosod arwyddion rhybudd ar ffyrdd cyhoeddus.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

Mae’r safon hon i bobl sy’n gyfrifol am baratoi a chynnal safle gweithio diogel ar gyfer gweithrediadau gwaith coed.

---

1. cael y wybodaeth berthnasol i gyflawni’r gweithgareddau gwaith yn unol â gweithdrefnau sefydliadol
2. cadarnhau bod asesiad amgylcheddol o’r safle wedi’i gyflawni cyn dechrau gweithio ac ystyried ei ganfyddiadau
3. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
4. asesu’r risgiau sy’n gysylltiedig â’r safle a’r gwaith sydd i’w gyflawni cyn dechrau gweithio a thrwy gydol y gweithgaredd, gan wirio a chadarnhau canfyddiadau unrhyw asesiadau risg presennol
5. paratoi a gosod y safle gwaith er gweithrediadau gwaith coed diogel
6. cadarnhau bod parthau risg wedi’u sefydlu a’u marcio, a bod cynllunio a gweithdrefnau brys yn berthnasol i’r safle wedi’u sefydlu a’u cofnodi
7. cadarnhau bod cymorth cyntaf wedi’i ddarparu yn unol â gofynion cyfreithiol
8. cadarnhau bod camau rheoli digonol wedi’u rhoi ar waith i gynnal gweithrediadau gwaith coed diogel
9. cadarnhau bod gan holl aelodau’r gweithlu yr hyfforddiant, y sgiliau, y cymhwysedd a’r ardystiad perthnasol i gyflawni’r gwaith, yn unol â gofynion cyfreithiol
10. defnyddio dulliau priodol i gyfathrebu’n effeithiol â’r gweithlu a chadarnhau eu bod yn deall eu rôl a’u cyfrifoldebau o ran cynnal gweithrediadau gwaith coed diogel
11. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
12. cadarnhau bod yr holl gyfarpar wedi cael ei wirio, ei brofi, lle bo angen a’i fod yn addas at ei ddiben, yn unol â’r gofynion cyfreithiol perthnasol a chyfarwyddiadau’r gwneuthurwr
13. gweithredu mesurau i gynnal diogelwch a diogeledd cyfarpar, peiriannau a deunyddiau ar y safle
14. gweithredu mesurau hylendid a bioddiogelwch yn unol â gofynion cyfreithiol perthnasol, canllawiau’r diwydiant a gweithdrefnau sefydliadol
15. cadarnhau bod pob sylwedd peryglus yn cael ei drin, ei ddefnyddio a’i storio yn unol â’r gofynion cyfreithiol perthnasol a chyfarwyddiadau’r gwneuthurwr
16. cadarnhau eich bod yn delio â phob deunydd gwastraff a deunydd dros ben yn unol â’r gofynion cyfreithiol perthnasol a gweithdrefnau sefydliadol
17. rhoi rheoliadau amgylcheddol ar waith, gan gyfrif am yr asesiad o’r effeithiau a’r agweddau amgylcheddol
18. rhoi agweddau arfer gorau at gynaliadwyedd ar waith, sy’n briodol i’r gwaith sy’n cael ei gyflawni
19. delio’n effeithiol â phroblemau sy’n codi o fewn cwmpas a chyfyngiadau eich cyfrifoldebau eich hun a rhoi gwybod am broblemau na ellir eu datrys, yn unol â gweithdrefnau sefydliadol
20. cwblhau a storio’r holl ddogfennaeth berthnasol yn unol â gofynion cyfreithiol a gweithdrefnau sefydliadol perthnasol

---

1. sut i nodi a chael at wybodaeth sy’n berthnasol i’r gwaith gofynnol
2. sut i nodi peryglon ac asesu risgiau sy’n gysylltiedig â’r safle a’r gwaith i’w wneud a phwysigrwydd asesiad risg penodol i safle a chamau rheoli sy’n briodol i’ch maes gwaith
3. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
4. gofynion y gwahanol rolau sy’n gysylltiedig â rheoli iechyd a diogelwch gweithrediadau gwaith coed
5. sut mae rhywogaethau a chyflwr coed yn effeithio ar weithrediadau
6. sut i baratoi a gosod safleoedd ac ardaloedd gwaith er gweithrediadau gwaith coed diogel ac effeithiol
7. y cynllunio a’r gweithdrefnau brys sy’n berthnasol i’r safle, pellteroedd parhau risg a rheoli parthau risg
8. lleoliad a safle cywir arwyddion rhybudd a rheoliadau mynediad, a’r gofynion cyfreithiol a chodau ymarfer y diwydiant sy’n rheoli’r rhain
9. y gweithdrefnau iechyd a diogelwch a’r Systemau Gweithio Diogel perthnasol
10. elfennau allweddol datganiad dull yn gysylltiedig â gweithrediadau gwaith coed diogel
11. gofynion cyfreithiol, y diwydiant a sefydliadol am hyfforddiant ac ardystiad i wneud y gweithgareddau gwaith gofynnol a, a pham mae’r rhain yn bwysig
12. pam mae’n bwysig cyfathrebu’n effeithiol â’r gweithlu ac unrhyw un arall sy’n cymryd rhan yn y gwaith, neu y mae’r gwaith yn effeithio arnynt, a’r dulliau cyfathrebu ddylai gael eu defnyddio
13. y cyfarpar diogelu personol (PPE) sy’n ofynnol ar gyfer y gwaith, yn unol â’r gofynion cyfreithiol perthnasol a gweithdrefnau sefydliadol
14. y gofynion cyfreithiol am wirio a phrofi cyfarpar a pham mae’n bwysig cynnal a chadw’r holl gyfarpar i safon uchel
15. pwysigrwydd mesurau hylendid a bioddiogelwch a sut i gymhwyso’r rhain
16. y gofynion o ran trin, defnyddio a storio sylweddau peryglus, yn unol â’r gofynion cyfreithiol perthnasol a chyfarwyddiadau’r gwneuthurwr
17. y dulliau cywir o ddelio â deunydd gwastraff a deunydd dros ben yn unol â gofynion cyfreithiol perthnasol a gweithdrefnau sefydliadol
18. effaith bosibl y gwaith ar y safle a’r ardal gyfagos a sut gellir lleihau’r effaith hon
19. eich cyfrifoldeb chi a chyfrifoldeb y sefydliad am amddiffyn yr amgylchedd a gweithio’n gynaliadwy
20. y problemau a all godi wrth baratoi a chynnal safle gweithio diogel, y camau i’w cymryd a’r gweithdrefnau sefydliadol ar gyfer rhoi gwybod am broblemau na ellir eu datrys
21. cwmpas a chyfyngiadau eich cymhwysedd, eich cyfrifoldebau a’ch atebolrwydd
22. y gofynion cyfreithiol a sefydliadol ar gyfer cwblhau a storio dogfennaeth

---

Cynnal diogelwch a diogeledd y canlynol ar y safle:

• offer a chyfarpar
• tanwydd
• cerbydau a pheiriannau
• deunyddiau

---

---

---

---

---

---

Gallai gwybodaeth sy’n ofynnol i gyflawni gweithgareddau gwaith gynnwys:

• lluniadau
• cynlluniau
• amserlenni
• manylebau
• datganiadau dull
• Gweithdrefnau Gweithredu Safonol (SOPs)
• canllawiau’r gwneuthurwr
• gofynion y cwsmer
• gofynion sicrhau ansawdd
• safonau’r diwydiant (e.e. Safonau Prydeinig)
• cyfarwyddiadau ar lafar neu yn ysgrifenedig
• canllawiau’r diwydiant (e.e. FISA)

Asesiad, effeithiau ac agweddau amgylcheddol – e.e. ar ystlumod, moch daear, cyrsiau dŵr, ffawna, fflora, neu effaith sŵn

Gallai gosod y safle gynnwys:

• llwybrau mynediad
• ardal cyflenwi tanwydd
• codi pyst
• parthau risg
• llwybrau dianc
• parthau gollwng
• ardal cronni nwyddau
• ardal wastraff
• ardal storio deunyddiau
• ardal storio peiriannau a chyfarpar
• ardal cyfleusterau’r gweithlu
• ardaloedd eraill yn ôl y gofyn

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

Parth risg – fe’i gelwir hefyd yn Barth perygl a Pharth gwahardd. Dylid sefydlu’r parth risg cyn dechrau unrhyw waith coed. Fel arfer, bydd y parth yn cyfateb i ddwywaith uchder y goeden sydd i’w chwympo, er bod angen ystyried ffactorau eraill, hefyd.

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.

---

---

---

3

---

2029

---

Ar hyn o bryd

---

Gwreiddiol

---

Lantra

---

LANTw14

---

Coedyddiaeth a choedwigaeth, Gweithredwyr llif gadwyn a pheiriannau coedwig, Garddwriaeth

---

5119

---

diogelwch; diogeledd; gweithrediadau; gwaith coed; safleoedd

---