Cael at goed trwy ddringo er mwyn cyflawni gwaith coed

Mae’r safon hon yn ymwneud â’r holl weithgareddau a all fod yn ofynnol i ddringo coed yn ddiogel, gan ddefnyddio ysgolion a chyfarpar dringo.

Wrth weithio gyda chyfarpar a pheiriannau, mae’n rhaid eich bod wedi’ch hyfforddi’n briodol, yn gymwys i gyflawni’r gweithgaredd a wneir, a dylech ddal ardystiad cyfredol, lle bo angen, yn unol â’r ddeddfwriaeth berthnasol.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

1. cael y wybodaeth berthnasol i gyflawni’r gweithgareddau gwaith yn unol â gweithdrefnau sefydliadol
2. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
3. asesu’r risgiau sy’n gysylltiedig â’r safle a gweithio ar uchder, y peryglon sy’n cael eu peri gan y goeden a’r gwaith sydd i’w gyflawni, cyn dechrau gweithio a thrwy gydol y gweithgaredd, gan wirio a chadarnhau canfyddiadau unrhyw asesiadau risg presennol
4. ystyried effaith clefydau, diffygion a dirywiad ar y gwaith dringo coed
5. cadarnhau bod camau rheoli digonol wedi’u rhoi ar waith a bod cynllunio a gweithdrefnau brys yn berthnasol i’r safle wedi’u sefydlu a’u cofnodi
6. cadarnhau bod hyfforddiant, profiad ac ardystiad perthnasol yn eu lle i ymgymryd â’r gwaith sydd i’w gyflawni, a chydnabod y cyfyngiadau ar eich cymhwysedd chi
7. defnyddio dulliau priodol i gyfathrebu’n effeithiol â gweithwyr tir a chydweithwyr eraill, yn unol â chanllawiau’r diwydiant a gweithdrefnau sefydliadol
8. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
9. dewis, paratoi, defnyddio, cynnal a chadw a storio’r offer a chyfarpar sy’n ofynnol yn ddiogel, yn unol â’r gofynion cyfreithiol perthnasol a chyfarwyddiadau’r gwneuthurwr
10. cadarnhau bod yr holl gyfarpar wedi cael ei wirio, ei brofi, lle bo angen, a’i fod yn addas at ei ddiben, yn unol â’r gofynion cyfreithiol perthnasol a chyfarwyddiadau’r gwneuthurwr
11. cynnal diogelwch a diogeledd offer a chyfarpar ar y safle
12. dewis a gweithredu’r dulliau mynediad a gosod mwyaf diogel, gan baru’r cyfarpar â’r llwythi gwaith arfaethedig, yn unol â’r risgiau a aseswyd
13. clymu, paratoi a gosod amrywiaeth o glymau dringo coed, yn unol â chanllawiau’r diwydiant
14. dewis pwyntiau angori perthnasol ar gyfer dringo, yn unol â’r gweithrediadau gwaith coed gofynnol
15. dringo coed yn ddiogel, gan ddefnyddio ysgolion a chyfarpar dringo, yn unol â pherygl y goeden ac asesiadau gweithio ar uchder
16. defnyddio systemau amddiffyn personol rhag cwympo sy’n cynnwys prif system a system wrth gefn, yn unol â chanllawiau presennol y diwydiant
17. dod i lawr o goed a thynnu cyfarpar ohonynt yn unol ag asesiadau gweithio ar uchder
18. delio’n effeithiol â phroblemau sy’n codi o fewn cwmpas a chyfyngiadau eich cyfrifoldebau eich hun a rhoi gwybod am broblemau na ellir eu datrys, yn unol â gweithdrefnau sefydliadol
19. cwblhau a storio’r holl ddogfennaeth berthnasol yn unol â gofynion cyfreithiol a sefydliadol

1. sut i nodi a chael at wybodaeth sy’n berthnasol i’r gwaith gofynnol
2. sut i nodi peryglon ac asesu’r risgiau sy’n gysylltiedig â gweithio ar uchder, y peryglon sy’n cael eu peri gan y goeden a’r gwaith i’w gyflawni, a phwysigrwydd asesiad risg penodol i safle a chamau rheoli
3. pwysigrwydd gwirio am arwyddion o glefyd, diffygion a dirywiad yn y goeden rydych chi’n gweithio arni a sut mae hyn yn effeithio ar y broses dringo coed
4. y gweithdrefnau iechyd a diogelwch a’r Systemau Gweithio Diogel perthnasol
5. y cynllunio a’r gweithdrefnau brys sy’n berthnasol i’r safle, pellteroedd y parthau risg a’r rheolaeth ar barthau risg
6. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
7. gofynion cyfreithiol, y diwydiant a sefydliadol am hyfforddiant, profiad ac ardystiad i wneud y gweithgareddau gwaith gofynnol a phwysigrwydd cydnabod eich cyfyngiadau a pheidio ag ymgymryd â gwaith sydd y tu hwnt i lefel eich cymhwysedd
8. pam mae’n bwysig cyfathrebu â gweithwyr ar y tir a chydweithwyr eraill bob amser, gan gynnwys yn ystod gwaith coed o’r awyr
9. yr offer, y cyfarpar a’r cyfarpar diogelu personol (PPE) sy’n ofynnol ar gyfer y gwaith a sut i baratoi, defnyddio, gwneud gwaith cynnal a chadw’r gweithredwr a storio’r rhain yn ddiogel, yn unol â chyfarwyddiadau’r gwneuthurwr a’r gweithle, a’r gofynion cyfreithiol perthnasol
10. y gofynion cyfreithiol am archwilio pob cyfarpar dringo a gostwng a’r dystiolaeth ofynnol i ddangos bod hyn wedi cael ei wneud
11. cyfarwyddiadau’r gwneuthurwr ar ddefnyddio gwahanol fathau o harnais
12. sut i glymu, paratoi a gosod gwahanol fathau o glymau dringo coed
13. sut bydd rhywogaethau coed, amodau ac amser y flwyddyn yn effeithio ar waith
14. sut i ddewis pwyntiau a safle angori priodol ar gyfer cyfarpar mynediad fel na fydd gweithrediadau gwaith coed yn peryglu’r pwyntiau angori
15. pwysigrwydd defnyddio system amddiffyn personol rhag cwympo wrth ddringo coed a gweithio ynddynt
16. sut i gael at goed yn ddiogel gan ddefnyddio ysgolion a chyfarpar dringo
17. sut i ddod i lawr o goed a thynnu cyfarpar ohonynt yn ddiogel
18. y problemau a all godi wrth ddringo coed, y camau i’w cymryd a’r gweithdrefnau sefydliadol ar gyfer rhoi gwybod am broblemau na ellir eu datrys
19. cwmpas a chyfyngiadau eich cymhwysedd, eich cyfrifoldebau a’ch atebolrwydd
20. y gofynion cyfreithiol a sefydliadol ar gyfer cwblhau a storio dogfennaeth

Gallai gwybodaeth sy’n ofynnol i gyflawni gweithgareddau gwaith gynnwys:

• lluniadau
• cynlluniau
• amserlenni
• manylebau
• datganiadau dull
• Gweithdrefnau Gweithredu Safonol (SOPs)
• cyfarwyddiadau’r gwneuthurwr
• gofynion y cwsmer
• gofynion sicrhau ansawdd
• safonau’r diwydiant (e.e. Safonau Prydeinig)
• cyfarwyddiadau ar lafar neu yn ysgrifenedig
• canllawiau’r diwydiant (e.e. FISA)

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

System Amddiffyn Personol rhag Cwympo – casgliad o gydrannau sy’n cyfuno, o’u defnyddio’n gywir, i atal cwympo. Mae systemau amddiffyn personol rhag cwympo yn cynnwys prif system a system wrth gefn sy’n gysylltiedig ag angor annibynnol, lle bynnag y bo’n bosibl. Gall y system wrth gefn gael ei hepgor dim ond:

• pan nad yw’n ymarferol ei chynnal ar gyfer tasg benodol, “ddisymud” a byr symud rhaff yn ei blaen/cyfnewid, gan ailosod y system wrth gefn cyn gynted â phosibl
• achub rhywun sydd wedi’i anafu, pan fydd cyflymder yn hanfodol

Parth risg – fe’i gelwir hefyd yn Barth perygl a Pharth gwahardd. Dylid sefydlu’r parth risg cyn dechrau unrhyw waith coed.

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.