Derbyn dosbarthiad o blanhigion a deunydd plannu, a’u storio

Mae’r safon hon yn ymwneud â’r holl weithgareddau sy’n ofynnol i dderbyn dosbarthiad o blanhigion a deunydd plannu, a’u storio. Bydd hyn yn cynnwys gwirio eu bod yn cyfateb i’r fanyleb a’u trin a’u storio’n gywir.

Wrth weithio gyda chyfarpar a pheiriannau, mae’n rhaid eich bod wedi’ch hyfforddi’n briodol a rhaid bod gennych ardystiad cyfredol, lle bo angen, yn unol â’r ddeddfwriaeth berthnasol.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

---

1. cael y wybodaeth berthnasol i gyflawni’r gweithgareddau gwaith yn unol â gweithdrefnau sefydliadol
2. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
3. asesu’r risgiau sy’n gysylltiedig â’r safle a’r gwaith sydd i’w gyflawni cyn dechrau gweithio a thrwy gydol y gweithgaredd, gan wirio a chadarnhau canfyddiadau unrhyw asesiadau risg presennol
4. dewis y dulliau gweithio mwyaf diogel, gan ystyried defnyddio dulliau mecanyddol lle bo hynny’n fwy diogel, yn unol â’r risgiau a aseswyd a gweithdrefnau sefydliadol, a chynllunio gwaith yn unol â hynny
5. cadarnhau bod hyfforddiant ac ardystiad perthnasol yn eu lle i ymgymryd â’r gwaith sydd i’w wneud
6. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
7. dewis, paratoi, defnyddio, cynnal a chadw a storio’r cyfarpar a’r peiriannau sy’n ofynnol ar gyfer y gwaith yn ddiogel, yn unol â’r gofynion cyfreithiol perthnasol a chyfarwyddiadau’r gwneuthurwr
8. derbyn dosbarthiad o blanhigion a deunydd plannu a chadarnhau bod y disgrifiad a’r nifer yn cyfateb i’r nodyn trosglwyddo a’r archeb wreiddiol
9. gwirio bod ansawdd y planhigion a’r deunydd plannu yn bodloni’r manylebau gofynnol
10. gwirio bod planhigion yn bodloni gofynion cyfreithiol a gofynion bioddiogelwch, gan gynnwys pasbortau planhigion, lle bo’u hangen
11. delio ag unrhyw anghysondebau, eitemau wedi’u difrodi neu eitemau o ansawdd gwael, gan ddilyn gweithdrefnau sefydliadol
12. cofnodi dosbarthiadau i mewn i stoc, yn unol â gweithdrefnau sefydliadol
13. trin a chludo planhigion a deunydd plannu mewn ffordd sy’n lleihau difrod ac sy’n sicrhau eu diogelwch a’u diogeledd
14. storio planhigion a deunydd plannu yn ddiogel mewn amgylchedd addas, yn unol ag argymhellion y cyflenwr/gwneuthurwr a gweithdrefnau sefydliadol
15. monitro cyflwr planhigion sy’n cael eu storio a sicrhau nad ydynt yn sychu
16. gwaredu pob gwastraff a phecynnu a delio â’r rhain yn unol â’r gofynion cyfreithiol perthnasol a gweithdrefnau sefydliadol
17. cyflawni’r gwaith gofynnol yn unol â’r wybodaeth a ddarparwyd a gweithdrefnau sefydliadol
18. cwblhau a storio’r holl ddogfennaeth berthnasol yn unol â gofynion cyfreithiol a gweithdrefnau sefydliadol perthnasol

---

1. sut i nodi a chael at wybodaeth sy’n berthnasol i’r gwaith gofynnol
2. sut i nodi peryglon ac asesu’r risgiau sy’n gysylltiedig â’r safle a’r gwaith sydd i’w wneud, a phwysigrwydd asesu risg a mesurau rheoli sy’n briodol i’ch maes gwaith
3. y gweithdrefnau iechyd a diogelwch a’r Systemau Gweithio Diogel perthnasol
4. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
5. eich cyfrifoldeb chi a chyfrifoldeb y sefydliad am amddiffyn yr amgylchedd a gweithio’n gynaliadwy
6. gofynion cyfreithiol, y diwydiant a sefydliadol am hyfforddiant ac ardystiad i wneud y gweithgareddau gwaith gofynnol a phwysigrwydd gwirio bod unrhyw drwyddedau i weithredu cyfarpar a pheiriannau ar waith
7. yr offer, y cyfarpar a’r cyfarpar diogelu personol (PPE) sy’n ofynnol ar gyfer y gwaith a sut i ddewis, paratoi, defnyddio, gwneud gwaith cynnal a chadw’r gweithredwr a storio’r rhain yn ddiogel, yn unol â’r gofynion cyfreithiol perthnasol, cyfarwyddiadau’r gwneuthurwr a gweithdrefnau sefydliadol
8. technoleg a ddefnyddir yn eich maes gwaith a sut i’w defnyddio
9. pam dylid gwirio dosbarthiadau yn unol â’r nodyn trosglwyddo a’r archeb wreiddiol a mynd ar drywydd unrhyw anghysondebau
10. y ddogfennaeth a ddylai gyd-fynd â dosbarthiadau, fel tystysgrifau cydymffurfio neu basbortau planhigion
11. pwysigrwydd gwirio cyflwr planhigion a deunydd plannu a’r camau i’w cymryd os bydd eitemau wedi’u difrodi neu eitemau o ansawdd gwael
12. pwysigrwydd bioddiogelwch wrth dderbyn dosbarthiad planhigion
13. y gweithdrefnau sefydliadol ar gyfer cofnodi dosbarthiadau i mewn i stoc
14. sut i drin, cludo a storio gwahanol fathau o blanhigion a deunydd plannu i’w cynnal mewn cyflwr da
15. y rhagofalon i’w cymryd a’r PPE sy’n ofynnol wrth ddelio â phlanhigion wedi'u trin
16. y gofynion storio ar gyfer gwahanol fathau o blanhigion a deunydd plannu a diben argymhellion y cyflenwr/gwneuthurwr o ran storio
17. pryd dylid rhoi dosbarthiadau mewn cwarantin a’r gweithdrefnau at y diben hwn
18. pwysigrwydd defnyddio gweithdrefnau cylchdroi stoc yn gysylltiedig ag oes silff
19. ffyrdd o gynnal diogeledd a diogelwch cyfleusterau storio
20. pwysigrwydd monitro planhigion sy’n cael eu storio a sut i gynnal eu cyflwr
21. y camau i’w cymryd pan fydd stoc yn cyrraedd y lefel ailarchebu ofynnol
22. y dulliau cywir o ddelio â gwastraff a phecynnu, yn unol â gofynion cyfreithiol perthnasol a gweithdrefnau sefydliadol
23. cwmpas a chyfyngiadau eich cymhwysedd, eich cyfrifoldebau a’ch atebolrwydd
24. y gofynion cyfreithiol a sefydliadol ar gyfer cwblhau a storio dogfennaeth

---

---

---

Manylebau:

• rhywogaethau planhigion
• math o blanhigion
• meintiau planhigion
• cyflwr planhigion

Sut i storio planhigion:

• storfa oer
• plannu dros dro (heeling in)
• byrnau gwellt
• bagiau cyd-allwthiedig
• Storfa ganopi

Sut i ddelio â’r mathau canlynol o stoc:

• gwreiddiau noeth
• pêl-wreiddyn
• planhigion a gyflenwir mewn potiau
• planhigion sy’n tyfu mewn potiau
• planhigion wedi’u tyfu mewn cell

---

---

---

---

Gallai gwybodaeth sy’n ofynnol i gyflawni gweithgareddau gwaith gynnwys:

• lluniadau
• cynlluniau
• amserlenni
• manylebau
• datganiadau dull
• Gweithdrefnau Gweithredu Safonol (SOPs)
• cyfarwyddiadau’r gwneuthurwr
• gofynion y cwsmer
• gofynion sicrhau ansawdd
• safonau’r diwydiant (e.e. Safonau Prydeinig)
• cyfarwyddiadau ar lafar neu yn ysgrifenedig
• canllawiau’r diwydiant (e.e. FISA)

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

Deunyddiau plannu: e.e. tybiau, polion, bagiau, plygiau gwreiddiau plastig

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.

---

---

---

3

---

2029

---

Ar hyn o bryd

---

Gwreiddiol

---

Lantra

---

LANTw13

---

Ceidwad Parc, Ceidwad y Grîn, Coedyddiaeth a choedwigaeth, Garddwr, Gweithiwr Planhigfa, Tirluniwr, Garddwriaeth

---

5119

---

planhigion; dosbarthiad; storio

---