Yn ol

Gweinyddu meddyginiaeth i gleifion milfeddygol

URN: LANRVN24
Sectorau Busnes (Cyfresi): Nyrsio Milfeddygol a Gwasanaethau Ategol
Datblygwyd gan: Lantra
Cymeradwy ar: 2019

Trosolwg

Mae’r safon hon yn cynnwys gweinyddu meddyginiaeth i gleifion milfeddygol gan ddefnyddio nifer o ddulliau yn cynnwys rhai trwy’r geg, lleol, o dan y croen, mewnwythiennol a thrwy’r cyhyrau a monitro canlyniad y feddyginiaeth.

Mae’r safon hon yn addas ar gyfer nyrsys milfeddygol cofrestredig.

Meini prawf perfformiad

Mae'n rhaid eich bod chi'n gallu:

​

1. asesu’r risg posibl i’ch iechyd a’ch lles eich hun a chydweithwyr wrth weinyddu meddyginiaeth i gleifion milfeddygol 2. cadarnhau’r driniaeth sy’n ofynnol ar gyfer y claf milfeddygol gyda’r llawfeddyg milfeddygol 3. dewis a rhoi’r gweithdrefnau rheoli heintiau ymarfer milfeddygol gofynnol ar waith ar gyfer yr ardal o’r filfeddygfa lle’r ydych yn gweithio 4. cael y feddyginiaeth filfeddygol sydd wedi ei pharatoi sy’n ofynnol gan y claf milfeddygol 5. cyfrifo’r dogn a faint o feddyginiaeth filfeddygol sy’n ofynnol ar gyfer y claf milfeddygol 6. paratoi a thrin y feddyginiaeth filfeddygol ar gyfer ei gweinyddu gan ddefnyddio’r offer perthnasol 7. asesu cyflwr y claf milfeddygol cyn gweinyddu’r feddyginiaeth 8. trin ac atal y claf milfeddygol, gan gael cymorth os oes angen 9. gweinyddu’r feddyginiaeth filfeddygol trwy’r llwybr gofynnol gan ddefnyddio technegau aseptig 10. asesu a monitro’r claf milfeddygol ar ôl gweinyddu meddyginiaeth filfeddygol 11. gwaredu deunydd gwastraff yn ddiogel ac yn gywir yn unol â deddfwriaeth berthnasol a gweithdrefnau ymarfer milfeddygol 12. cofnodi’r driniaeth a weinyddwyd yn unol â gweithdrefnau ymarfer milfeddygol 13. cydymffurfio â deddfwriaeth a chodau ymarfer perthnasol iechyd a lles anifeiliaid 14. gwneud eich gwaith yn unol â deddfwriaethau amgylcheddol ac iechyd a diogelwch, defnydd diogel o reoliadau meddyginiaethau, gofynion asesu risg, codau ymarfer a pholisïau busnes perthnasol

Gwybodaeth a Dealltwriaeth

You need to know and understand:

  1. sut i asesu'r risg i'ch iechyd a'ch diogelwch eich hun a chydweithwyr wrth weinyddu meddyginiaeth filfeddygol ar gyfer anifeiliaid
  2. pam y mae'n bwysig bod llawfeddygon milfeddygol yn cadarnhau'r feddyginiaeth sy'n ofynnol cyn ei gweinyddu
  3. y gweithdrefnau rheoli heintiau ymarfer milfeddygol gofynnol ar gyfer yr ardal o'r filfeddygfa yr ydych yn gweithio ynddi
  4. sut i gyfrifo'r dognau meddyginiaeth filfeddygol sy'n ofynnol, yn cynnwys trosi unedau yn gyfaint
  5. y rhesymau dros ddefnyddio a'r dull gweithredu ar gyfer meddyginiaeth filfeddygol
  6. yr unedau crynodiad sy'n ofynnol wrth baratoi meddyginiaeth ar gyfer cleifion milfeddygol
  7. pwysigrwydd amlder a chyfradd gweinyddu
  8. y dulliau monitro ac arsylwi i'w defnyddio cyn, yn ystod ac ar ôl gweinyddu meddyginiaeth
  9. y termau canlynol mewn perthynas â ffarmacoleg; effaith therapiwtig, amsugno, hanner bywyd, sgil-effaith, adwaith, rhyngweithio a mynegai therapiwtig
  10. sut i baratoi a thrin meddyginiaeth ac offer ar gyfer gweinyddu yn cynnwys paratoi a gweinyddu sterilaidd
  11. sut i adnabod gwrtharwyddion, adweithiau i feddyginiaeth a gorddos a'r camau gofynnol i'w cymryd yn yr amgylchiadau hyn
  12. sut i waredu meddyginiaeth, offer a meddyginiaeth filfeddygol halogedig neu y mae ei oes wedi darfod
  13. sut i weinyddu amrywiaeth o feddyginiaethau milfeddygol trwy'r llwybrau gofynnol a deall y rhesymau dros y dewisiadau a wnaed
  14. sut i baratoi a chadw siartiau gweinyddu meddyginiaeth yn unol â gweithdrefnau ymarfer milfeddygol, yn cynnwys cyffuriau wedi eu rheoli
  15. y defnydd o'r system raeadru
  16. rolau proffesiynol a chyfrifoldebau'r aelodau amrywiol o'r tîm milfeddygol
  17. eich cyfrifoldebau o ran iechyd a lles anifeiliaid yn unol â deddfwriaeth a chodau ymarfer perthnasol
  18. eich cyfrifoldeb yn unol â deddfwriaethau amgylcheddol ac iechyd a diogelwch, codau ymarfer a pholisïau busnes perthnasol

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

​6131

Fersiwn rhif

Dyddiad Adolygu Dangosol

2024

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANRVN30

Galwedigaethau Perthnasol

Nyrs milfeddygol

Cod SOC

6131

Geiriau Allweddol

milfeddygol; nyrsio