Rhoi gwybodaeth i gwsmeriaid am sut i gynyddu incwm i’r eithaf
Trosolwg
Mae'r safon hon yn ymwneud â gallu rhoi gwybodaeth i gwsmeriaid am y mathau o geisiadau am fudd-daliadau sydd ar gael i gynyddu incwm i’r eithaf. Y rôl yw rhoi gwybodaeth sylfaenol, cynghori cwsmeriaid ar sut i wneud cais am gymorth, cynorthwyo i wneud ceisiadau os oes angen cymorth TG neu lythrennedd ar y cwsmer a chyfeirio cwsmeriaid at ganolfannau neu adrannau cyngor arbenigol.
Yn ôl pob tebyg byddwch yn gweithio mewn canolfan gwasanaeth i gwsmeriaid awdurdod lleol neu sefydliad cyhoeddus neu drydydd sector arall a byddwch yn bwynt cyswllt cyntaf i gwsmeriaid.
Mae'r mathau o fudd-daliadau lles o dan gwmpas y safon hon yn cynnwys budd-daliadau nawdd cymdeithasol, budd-daliadau tai, cynlluniau gostyngiadau treth y cyngor, credydau treth, cronfeydd dewisol a chynlluniau lleol ar gyfer incwm a chymorth mewn nwyddau.
Meini prawf perfformiad
Mae'n rhaid eich bod chi'n gallu:
- croesawu'r cwsmer yn unol â safonau gwasanaethau i gwsmeriaid eich sefydliad
- sefydlu rhesymau'r cwsmer dros gysylltu â'ch sefydliad
- casglu gwybodaeth gefndir perthnasol i'ch galluogi i gynorthwyo'r cwsmer
- pennu cymhwysedd posibl y cwsmer i gael budd-daliadau
- cynnal cyfrinachedd a phreifatrwydd cwsmeriaid
- disgrifio opsiynau perthnasol ar gyfer cynyddu incwm i’r eithaf a chyllidebu i'r cwsmer
- egluro'r broses ar gyfer gwneud cais gan gynnwys amserlenni
- helpu'r cwsmer i wneud cais os oes angen cymorth llythrennedd a/neu TG arno
- rhoi gwybod i'r cwsmer bod modd apelio a beth yw’r gweithdrefnau lleol ar gyfer gwneud hynny
- cyfeirio'r cwsmer at wybodaeth am fathau eraill o geisiadau lles, os oes angen
- cyfeirio'r cwsmer at y canolfannau neu'r adrannau cyngor arbenigol perthnasol, os oes angen
- cyfeirio'r cwsmer at gydweithwyr perthnasol yn unol â safonau gwasanaethau i gwsmeriaid eich sefydliad
- cofnodi gwybodaeth berthnasol am y cwsmer yn systemau cofnodion eich sefydliad
Gwybodaeth a Dealltwriaeth
You need to know and understand:
- y codau ymarfer, y ddeddfwriaeth a'r rheoliadau perthnasol ar gyfer ceisiadau lles – budd-daliadau, grantiau a chymorth
- amrywiaeth gymdeithasol ac ethnig yn ogystal ag anghenion y cymunedau y mae eich sefydliad yn eu gwasanaethu
- egwyddorion allweddol y fframwaith deddfwriaethol presennol mewn perthynas â cheisiadau am fudd-daliadau, grantiau a chymorth
- y gwahaniaeth rhwng ceisiadau prawf modd, ceisiadau heb brawf modd a chredydau treth
- ble i gael gafael ar yr wybodaeth berthnasol ar gynyddu incwm i’r eithaf
- y gweithdrefnau apelio perthnasol ar gyfer herio penderfyniadau ynghylch ceisiadau lles
- y cymhwysedd posibl ar gyfer budd-daliadau, grantiau a chymorth a sut mae’r rhain yn berthnasol i wahanol grwpiau o gwsmeriaid
- yr asiantaethau sy'n ymwneud â gweinyddu ceisiadau lles ar lefelau cenedlaethol a lleol
- y prosesau, y gweithdrefnau a'r terfynau amser ar gyfer gwneud ceisiadau am fudd-daliadau
- y cynlluniau lles lle gellir dod o hyd i gymorth ac incwm ychwanegol yn lleol
- pryd y dylid cyfeirio cwsmer at gynghorydd arbenigol
- at bwy i gyfeirio materion sydd y tu allan i'ch cyfrifoldeb neu eich cylch gwaith
- sut i gael yr wybodaeth ddiweddaraf am newidiadau mewn deddfwriaeth berthnasol a sut mae hyn yn effeithio ar y cyngor yr ydych yn ei roi
- eich gweithdrefnau sefydliadol ar gyfer cofnodi gwybodaeth
- eich gweithdrefnau sefydliadol ar gyfer cydymffurfio â deddfwriaeth diogelu data berthnasol